କୂଳ ନିକଟକୁ ଆସି ପୁଣି ପାଣିକୁ ପଳାଇଲା ହାତୀ : ଦୀର୍ଘ ୮ ଘଣ୍ଟା ଧରି ପାଣି ଭିତରେ ଫସି ରହିଛି ହାତୀ
କନକ ବ୍ୟୁରୋ : ମୁଣ୍ଡଳି ବ୍ରିଜ କୂଳ ନିକଟକୁ ଆସି ପୁଣି ପାଣିକୁ ପଳାଇଲା ହାତୀ । ଦୀର୍ଘ ୮ ଘଣ୍ଟା ଧରି ପାଣିରେ ଫସି ରହିଛି । ଜୀବନ ବଞ୍ଚାଇବାବ ସଂଘର୍ଷ କରୁଛି ହାତୀଟି । କୂଳର ଏପଟରୁ ସେପଟକୁ ଘୂରି ବୁଲୁଛି । ଦୀର୍ଘ ସମୟ ଧରି ପାଣି ରହିବା କାରଣରୁ ହାତୀ ଶୁଣ୍ଢ ଧଳାପଡିବା ଦେଖାଗଲାଣି । ତେବେ କୂଳ ନିକଟକୁ ଆସି ପୁଣି କାହିଁକି ଫେରିଗଲା ହାତୀ । ତାହା ସମସ୍ତଙ୍କ ମନରେ ପ୍ରଶ୍ନବାଚୀ ସୃଷ୍ଟି କରୁଛି । ବ୍ରିଜ ଉପରେ ଠିଆ ହୋଇଥିବା ଏତେ ସାରା ଲୋକଙ୍କୁ ଦେଖି ଡରିଯାଇଥିବା ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ନଦୀପାର ହେଉଥିବାବେଳେ ହାତୀପଲରେ ଥିବା ୭ଟି ହାତୀ ଭାସିଯାଇଥିବା ଜଣାପଡିଛି । ତେବେ ଗୋଟିଏ ଶିଶୁ ହାତୀ ମୁଣ୍ଡଳି ବ୍ରିଜ ନିକଟରେ ଲାଖି ରହି ବଞ୍ଚିବାକୁ ସଂଘର୍ଷ କରୁଛି । ଆଠଗଡ ରେଞ୍ଜରଙ୍କ ପକ୍ଷରୁ ମିଳିଥିବା ସୂଚନା ଅନୁସାରେ ପ୍ରାୟ ୧୭ଟି ହତୀ ନଦୀପାର ହେଉଥିବାବେଳେ ସେମାନଙ୍କ ମଧ୍ୟରୁ କେତେକ ହାତୀ ଭାସିଯାଇଥିଲେ । ସେମାନଙ୍କ ମଧ୍ୟରୁ ୬ଟି ହାତୀ ଭାସି ଭାସି ଆଠଗଡ ରେଞ୍ଜର ନୂଆଶାସନ ଗାଁ ଆନିକଟ ନିକଟରେ ଲାଗିଛନ୍ତି । ତେବେ ଗୋଟିଏ ଶିଶୁ ହାତୀ ବ୍ୟାରେଜ ନିକଟରେ ଫସି ରହିଛି । ଘଟଣାସ୍ଥଳରେ ବନବିଭାଗ ଓ ଦମକଳ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଏକ ରସିରେ ଟାୟାର ବାନ୍ଧି ହାତୀକୁ ଉଦ୍ଧାର କରିବାକୁ ଉଦ୍ୟମ କରାଯାଉଛି ।