କନକ ବ୍ୟୁରୋ : ସୁଖ… ଦୁଃଖ… ଗୋଟିଏ କଏନର ଦୁଇଟି ପାଶ୍ୱର୍ । ମଣୀଷ ଜୀବନରେ ସବୁବେଳେ ସୁଖ ରହେନାହିଁ କି ଦୁଃଖବି ରହେନାହିଁ ସମୟ ଆସିଲେ ସବୁ ପରିବର୍ତ୍ତନ ହୋଇଯାଏ । କିନ୍ତୁ ସାଧାରଣତଃ ଲୋକେ ଜୀବନରେ ଦୁଃଖ ଆସିଲେ ସହିନପାରି ଭାଙ୍ଗିପଡନ୍ତି । ଏପରିକି ଆତ୍ମହତ୍ୟା ଭଳି ନିସ୍ପତ୍ତି ନେବାକୁ ପଛାନ୍ତି ନାହିଁ । କିନ୍ତୁ ବର୍ତ୍ତମାନ୍ ସୋସିଆଲ ମିଡିଆରେ ଭାଇରାଲ ହେଉଥିବା ବାପା-ପୁଅର ଏହି ଫଟୋ ସମାଜକୁ ପ୍ରେରଣା ଦେବ ନିଶ୍ଚୟ । ଯେତେ ଦୁଃଖ କଷ୍ଟ ଆସିଲେବି ଭାଙ୍ଗିନପଡିବାର ସାହସ ଦେବ ନିଶ୍ଚୟ ।
Kanak News is now on WhatsApp
Join and get latest news updates delivered to you via WhatsApp
ତୁର୍କୀର ଜଣେ ଫଟୋଗ୍ରାଫର ମହମ୍ମଦ ଅସଲମ୍ ଏପରି ଏକ ଫଟୋ ଉଠାଇଛନ୍ତି, ଯାହାକୁ ଦେଖିଲେ ଆଖିରେ ଲୁହ ଚାଲିଆସିବ, ଯେତେ ଦୁଃଖ କଷ୍ଟ ଆସିଲେବି ଭାଙ୍ଗି ନପଡିବା ପାଇଁ ପ୍ରେରଣା ଦେବ । ଏହି ଫଟୋ ଜଣେ ବାପା ଆଉ ତାଙ୍କ କୁନି ପୁଅର । ଅନେକ ସମସ୍ୟା ଥାଇ ବି ଏହି ଦୁଇଜଣ ବାପା-ପୁଅ ବେସ୍ ଖୁସିରେ ଅଛନ୍ତି । ହସଖୁସିରେ ଜୀବନ କାଟୁଛନ୍ତି ।
ଏହି ଦୁଇଜଣଙ୍କ ଦୁଃଖ ବାବଦରେ ଜାଣିଲେ ଆପଣଙ୍କ ଆଖିବି ଲୁହରେ ଓଦା ହୋଇଯିବ । ଦିନେ ସିରିଆରେ କୌଣସି କାରଣରୁ ଏକ ବମ୍ ବ୍ଲାଷ୍ଟ ହୋଇଥିଲା ଯେଉଁଥିରେ ଫଟୋରେ ଦେଖୁଥିବା ବ୍ୟକ୍ତିଙ୍କ ଗୋଟିଏ ଗୋଡ ନଷ୍ଟ ହୋଇଯାଇଥିଲା । ଆଉ ତାଙ୍କର ଗର୍ଭବତୀ ସ୍ତ୍ରୀ ଶିରିଆରେ ଗୃହଯୁଦ୍ଧ ଚାଲିଥିବା ବେଳେ ବିଶାକ୍ତ ଗ୍ୟାସର ଶିକାର ହୋଇଗଲେ । ପେଟରେ ବଢୁଥିବା ପିଲା ଠିକ୍ ଭାବରେ ବିକଶିତ ହୋଇପାରିଲାନି । ଯାହାଫଳରେ ବିନା ହାତ ଗୋଡରେ ଜନ୍ମନେଲା ଏହି ପୁଅ । ବାପାଙ୍କର ଗୋଟିଏ ଗୋଡ ନଥିବା ବେଳେ ପୁଅର ଦୁଇ ଗୋଡ ଦୁଇ ହାତ ନାହିଁ । ତଥାବି ଏହାକୁ ନେଇ ଏମାନଙ୍କ ମନରେ କୌଣସି ଦୁଃଖ ନାହିଁ । ସାଧାରଣ ଲୋକଙ୍କ ଭଳି ହସ ଖୁସିରେ ଜୀବନ ବିତାଉଛନ୍ତି ଏହି ଦୁଇ ବାପ-ପୁଅ । ଆଉ ସେହି ଖୁସିର ମୁହୁର୍ତ୍ତକୁ କ୍ୟାମେରାରେ କଏଦ କରିଛନ୍ତି ତୁର୍କୀର ଜଣେ ଫଟୋଗ୍ରାଫର । ଯାହାକୁ ‘ଫଟୋ ଅଫ୍ ଦ ଇୟର’ ଆୱାର୍ଡ ମିଳିବା ସହ ଭୁରି ଭୁରି ପ୍ରଶଂସା କରାଯାଉଛି ।