କନକ ବ୍ୟୁରୋ : ଯନ୍ତ୍ରଣାରେ ବିତୁଛି ଜୀବନ । ବୟସ ବଢିବା ସହିତ ବଢିଚାଲିଛି ଯନ୍ତ୍ରଣା । ମୁହଁରେ ମାଂସ ପିଣ୍ଡୁଳା ବଢୁଥିବା ବେଳେ ଅସହାୟ ହୋଇପଡୁଛି ଜୀବନ । କନ୍ଧମାଳ ରତଙ୍ଗ ପଂଚାୟତ ପୋଡାପଡା ଗାଁର ଗାୟତ୍ରୀ ପ୍ରଧାନ । ପିଲାବେଳରୁ ଏକ ମାଂସ ପିଣ୍ଡୁଳା ମୁହଁରେ ଥିଲା । ଯାହା ଏବେ ବଢି ବଢି ଚାଲିଛି । ତାସାଙ୍ଗକୁ ଯନ୍ତ୍ରଣା ମଧ୍ୟ ବଢୁଛି । ଅଭାବୀ ପରିବାର ଦୁଇ ଓଳି ଦୁଇ ମୁଠା ଖାଇବାକୁ ଯୋଗାଡ କରିପାରୁନଥିବା ବେଳେ ଝିଅର କିଭଳି ଚିକିତ୍ସା କରିବେ । ମୂଲ ଲାଗିଲେ ପରିବାର ଚଳୁଛି । ତାରି ଭିତରେ ଗାୟତ୍ରୀଙ୍କ ଚିକିତ୍ସା କିଭଳି ହେବ ସେ ନେଇ ଚିନ୍ତାରେ ପଡିଛି ପରିବାର । ଝିଅର ଚିକିତ୍ସା ପାଇଁ ଧାର କରଜ କରି ଅନେକ ମେଡିକାଲ ଯାଇ ଥକିଗଲେଣି । ଅଭାବ ଭିତରେ ପାଠ ପଢାରେ ବି ଡୋରୀ ବନ୍ଧା ହୋଇଗଲାଣି । ଟଙ୍କା ଅଭାବରୁ ଝିଅର ଚିକିତ୍ସା ହୋଇପାରୁନଥିବା ବେଳେ ରାଜ୍ୟପାଳ ଦେଇଥିଲେ ପ୍ରତିଶ୍ରୁତି । ହେଲେ ରାଜଧାନୀ ପର୍ଯ୍ୟନ୍ତ ମଧ୍ୟ ଯିବାକୁ ସମ୍ବଳ ନଥିବା କହିଛନ୍ତି ପରିବାର ଲୋକ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଯିବା ପାଇଁ ତାଙ୍କୁ କିଛି ଆର୍ଥିକ ସହାୟତା ଯୋଗାଦେବା ସହିତ ରାଜ୍ୟପାଳଙ୍କ ସହିତ ଯୋଗାଯୋଗର ବ୍ୟବସ୍ଥା କରିଦେବା ପାଇଁ ନିବେଦନ କରିଛନ୍ତି ଗାୟତ୍ରୀଙ୍କ ବାପା । ଏପଟେ ରତଙ୍ଗ ସରପଂଚ କହିଛନ୍ତି ତାଙ୍କୁ ସହାୟତା ପାଇଁ ଆମେ ବ୍ଲକ କର୍ତୃପକ୍ଷଙ୍କୁ ଜରିଆରେ ଜିଲ୍ଲାପାଳଙ୍କୁ ଜଣାଇବୁ ।
ଯନ୍ତ୍ରଣାରେ ଜର୍ଜରିତ ଗାୟତ୍ରୀଙ୍କୁ ଆଥଇର୍କ ସହଯୋଗ ସହ ସଠିକ୍ ଭାବେ ଚିକିତ୍ସା କରାଯାଇପାରିଲେ ତାକୁ ଏକ ନୂଆ ଜୀବନ ମିଳିପାରିବ ।