ଖାଲି ପାଦରେ ବଡ ପଦକ: ରେଡ୍ କାର୍ପେଟରେ ବଡ ହୃଦୟର ବ୍ୟକ୍ତିଙ୍କୁ ଦେଖିଲା ଭାରତ
କନକ ବ୍ୟୁରୋ: ରେଡ୍ କାର୍ପେଟରେ ବଡ ହୃଦୟର ବ୍ୟକ୍ତି । ସେ ହେଉଛନ୍ତି ତୁଳସୀ ଗୌଡ଼ା । ଦିନ ଏମିତି ଖାଲି ପାଦରେ ଧାଇଁ ଧାଇଁ କର୍ଣ୍ଣାଟକରେ ୩୦ ହଜାର ଗଛ ଲଗାଇ ତିଆରି କରିଛନ୍ତି ଜଙ୍ଗଲ । ଆଉ ସେଇଥିପାଇଁ ରେଡ୍ କାର୍ପେଟରେ ଆସି ସାରା ଦେଶକୁ ଚମକାଇ ଦେଇଛନ୍ତି । ସେହିପରି ରେଡ୍ କାର୍ପେଟରେ କମଳା ବିକାଳି ହରେକଳା ହଜବା ଏବଂ ରହିବାଇ ପୋପୋରେଙ୍କ ଉପସ୍ଥିତି ସମସ୍ତଙ୍କୁ ଚମକାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କର୍ଣ୍ଣାଟକର କମଳା ବିକାଳି ହରେକଳା ହଜବା ନିଜେ ନିରକ୍ଷର କିନ୍ତୁ ଏବେ ନିରକ୍ଷର ରହିବାର ମୂଲ୍ୟ କଣ ବୁଝିଛନ୍ତି । ଫଳ ବିକି ପରିବାର ପ୍ରତିପୋଷଣ କରିବା ସହିତ ନିଜ ଗାଁର ପିଲାଙ୍କ ଭବିଷ୍ୟତ କଥା ଚିନ୍ତା କରି ତିଆରି କରିଛନ୍ତି ସ୍କୁଲ୍ । ଆଉ ଏହି ଭଳି କିଛି ଅସାଧାରଣ କାମଟିଏ କରିଛନ୍ତି ରହିବାଇ ପୋପୋରେ । ମହାରାଷ୍ଟର ଗୋଟିଏ ଛୋଟିଆ ଗାଁରେ ରହୁଥିବା ଏହି ଆଦିବାସୀ ମହିଳାଙ୍କର କୃଷି କ୍ଷେତ୍ରରେ ଉନ୍ନତୀ ପାଇଁ ରହଛି ଅନେକ ଅବଦାନ ।
ସବୁଠୁ ବଡ କଥା ହେଲା ଏହି ତିନି ଜଣ ନିଜ ନିଜ ଶ÷÷ଳୀରେ ତିଆରି କରିଛନ୍ତି ନିଜସ୍ୱ ପରିଚୟ । କୌଣସି ପଇସା ରୋଜଗାର କରି ବଡ ଲୋକ ହେବାର ନିଶା ନୁହଁ ବରଂ ସମାଜ ସୁଧାର ଦିଗରେ କରିଛନ୍ତି ନିରନ୍ତର ପ୍ରୟାସ । ଯଦି ନିଜସ୍ୱ ସ୍ୱାର୍ଥ ଦେଖିଥାନ୍ତେ ତାହେଲେ ହୁଏତ ଏମାନେ ଆଜି ଏହି ସ୍ଥାନରେ ପହଂଚିପାରିଥାନ୍ତେ କି ନାହିଁ ତାହା ପରର କଥା । କିନ୍ତୁ ନିଜ ନିଶା ଏବଂ ଉଦ୍ୟମ ପାଇଁ ଅନେକଙ୍କ ପାଇଁ ପାଲଟିଛନ୍ତି ରାହା । ସେହିପରି ଓଡିଶାର ସୁଦର୍ଶନ ସାହୁଙ୍କୁ ପଦ୍ମବିଭୂଷଣ ସମ୍ମାନରେ ସମ୍ମାନୀତ କରାଯାଇଛି ଅନ୍ୟ ୫ ଜଣ ଶାନ୍ତି ଦେବୀ, ପୁର୍ଣ୍ଣମଶୀ ଜାନିି, ରଜତ କୁମାର କର, କ୍ରିଷ୍ଣା ମୋହନ ଏବଂ ନନ୍ଦ ପୃଷ୍ଟି ପୁଦ୍ମ ସମ୍ମାନରେ ସମ୍ନାନୀତ ହୋଇଛନ୍ତି ।