ଚାଇନା ଆପକୁ ନେଇ ଟ୍ରମ୍ପଙ୍କ କଡା ଚେତାବନୀ : ସେପ୍ଟେମ୍ବର ସୁଦ୍ଧା ଟିକଟକକୁ ଆମେରିକୀୟ କମ୍ପାନୀ ନକିଣିଲେ ଆମେରିକାରେ ହେବ ବ୍ୟାନ ; ଶତ ପ୍ରତିଶତ କମ୍ପାନୀ କିଣିବାକୁ ଆମେରିକା ରାଷ୍ଟ୍ରପତିଙ୍କ ଗୁରୁତ୍ୱ
କନକ ବ୍ୟୁରୋ : ଚାଇନା ଆପକୁ ନେଇ ଟ୍ରମ୍ପଙ୍କ କଡା ଚେତାବନୀ । ସେପ୍ଟେମ୍ବର ସୁଦ୍ଧା ଟିକଟକକୁ ଆମେରିକୀୟ କମ୍ପାନୀ ନକିଣିଲେ ଆମେରିକାରେ ବ୍ୟାନ ହେବ ଆପ୍ । ୩୦ ପ୍ରତିଶତ ବଦଳରେ ଶତ ପ୍ରତିଶତ କମ୍ପାନୀ କିଣିବାକୁ ଆମେରିକା ରାଷ୍ଟ୍ରପତିଙ୍କ ଡୋନାଲ୍ଡ ଟ୍ରମ୍ପ ଗୁରୁତ୍ୱ ଦେଉଥିବା ଜଣାପଡିଛି । ଏଥିସହ ଟିକଟକକୁ ଚାଇନିଜ୍ ମୂଳକମ୍ପାନୀ ବାଇଟଡ୍ୟାନ୍ସଠାରୁ କିଣିବା ନେଇ ଆମେରିକୀୟ କମ୍ପାନୀ ମାଇକ୍ରୋସଫ୍ଟ ମୁଖ୍ୟ ସତ୍ୟ ନାଣ୍ଡେଲାଙ୍କ ସହ ସେ କଥା ହୋଇଥିବା ଗଣମାଧ୍ୟମ ପ୍ରତିନିଧିଙ୍କୁ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଆମେରିକାରେ ଟିକଟକ୍କୁ ବ୍ୟାନ କଲେ ଫେସବୁକ୍, ଟୁଇଟ୍ ଭଳି ଆମେରିକୀୟ କମ୍ପାନୀକୁ ଚୀନରେ ବ୍ୟାନ କରିବାକୁ ଧମକ ଦେଇଛି ଚୀନ୍ । ଭାରତରେ ଚୀନ୍ ଆପ ଟିକଟକ ବ୍ୟାନ ହେବା ପରେ କମ୍ପାନୀ ବହୁ କ୍ଷତି ସହିଥିଲା । ପରେ ପରେ ବିଶ୍ୱର ଅନେକ ଦେଶ ଏହି ଚୀନ ଆପ୍ଲିକେସନକୁ ବ୍ୟାନ୍ କରିବା ନେଇ ଘୋଷଣା କରିଛନ୍ତି ।