କୋର୍ଟରେ ପଂହଚିଲା ଆମେରିକା ନିର୍ବାଚନର ଲଢେଇ : କୋର୍ଟ ଗଲେ ଟ୍ରମ୍ପ, ପେନସିଲଭାନିଆ ଓ ମିସିଗନର ଗଣତି ରୋକିବାକୁ କଲେ ଦାବି
ୱିସକିନସନ ଗଣତି ପୁଣି କରିବାକୁ ଦାବି
କନକ ବ୍ୟୁରୋ : ଆମେରିକା ରାଷ୍ଟ୍ରପତି ନିର୍ବାଚନରେ ରୋଚକ ସ୍ଥିତି । ଫଳାଫଳ ଆସିବା ଆଗରୁ ସୁପ୍ରିମକୋର୍ଟର ଦ୍ୱାରସ୍ଥ ହୋଇଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଲାଗୁଛି ଆମେରିକା ରାଷ୍ଟ୍ରପତି ନିର୍ବାଚନ ଏବେ ଆଇନ ଜାଲରେ ଛନ୍ଦି ହୋଇଯିବ । ଡୋନାଲ୍ଡ ଟ୍ରମ୍ପ କିଛି ରାଜ୍ୟରେ ଭୋଟିଂରେ ଗଡବଡ ହୋଇଥିବା ଅଭିଯୋଗ ଆଣିଛନ୍ତି । ୱିସକିନସନ୍ ରେ ରି-କାଉଁଟିଂ ଦାବି କରିଛନ୍ତି । ଟ୍ରମ୍ପ ଦାବି କରିଛନ୍ତି ପ୍ରଥମେ ସେ ଆଗରେ ଚାଲିଥିଲେ । କିନ୍ତୁ ଅଚାନକ ଜୋ ବାଇଡେନଙ୍କ ସପକ୍ଷରେ ଚାଲି ଯାଇଛି ଫଳାଫଳ ।
Kanak News is now on WhatsApp
Join and get latest news updates delivered to you via WhatsApp
ଟ୍ରମ୍ପ ଅଭିଯୋଗ ଆଣିଛନ୍ତି ସମସ୍ତେ ଏକାଠି ହୋଇ ତାଙ୍କୁ ହରାଇବାକୁ ଉଦ୍ୟମ କରିଛନ୍ତିା ଏହାରି ଭିତରେ ଟ୍ରମ୍ପଙ୍କ ଦଳ ମଧ୍ୟ ଭୋଟିଂ ଅବଧି ସରିବା ପରେ ବେଆଇନ ଭାବେ ମତଦାନ ଜାରି ରହିଥିବା ଗତକାଲି ଅଭିଯୋଗ ଆଣିଥିଲା । ସୁପ୍ରିମକୋର୍ଟର ଦ୍ୱାରସ୍ଥ ହୋଇ ଟ୍ରମ୍ପ ଏବେ ଆଇନର ଆଶ୍ରୟ ନେଇଛନ୍ତି । ତେଣୁ ଚୂଡାନ୍ତ ନିଷ୍ପତି ସୁପ୍ରିମକୋର୍ଟ ଦେବା ପରେ ଆସିବ ଫଳାଫଳ । ତେବେ ଆମେରିକା ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କୁ କୌଣସି ଚମତ୍କାର ହିଁ ବିଜୟୀ କରାଇପାରେ । କାରଣ ତାଙ୍କୁ ୨୧୪ ଇଲେକ୍ଟୋରାଲ୍ କଲେଜ୍ ଭୋଟ୍ ମିଳିଛି ।
ନିର୍ବାଚନ ଜିତିବାକୁ ଆବଶ୍ୟକ ୨୭୦ ଇଲେକ୍ଟୋରାଲ୍ ଭୋଟ୍ । ଯାହାକି ଏବେ ଟ୍ରମ୍ପଙ୍କ ପାଇଁ ବହୁ ଦୂର । ଏବେ ଟ୍ରମ୍ପ ପେନସିଲଭାନିଆ, ଜର୍ଜିଆ, ନର୍ଥ କାରୋଲିନା, ଆଲାସ୍କାରେ ସେ ଜୋ ବାଇଡେନ୍ ଆଗରେ ଚାଲିଛନ୍ତି । ଏହି ୪ ରାଜ୍ୟରେ ରହିଛି ୫୪ ଇଲେକ୍ଟୋରାଲ୍ କଲେଜ୍ ଭୋଟ୍ । ଯଦି ଏହା ମିଳିଯାଏ ତେବେ ଟ୍ରମ୍ପଙ୍କୁ ୨୬୮ ଇଲେକ୍ଟୋରାଲ୍ ଭୋଟ୍ ମିଳିଯିବ । ଏପରି ସ୍ଥିତିରେ ଯଦି କୌଣସି ରାଜ୍ୟରେ ଟ୍ରମ୍ପ ପୁରା କ୍ଲିନ୍ ସୁଇପ୍ କରିପାରନ୍ତି ତେବେ ଫଳାଫଳ ତାଙ୍କ ସପକ୍ଷରେ ଆସିପାରେ ବୋଲି କୁହାଯାଉଛି ।