କନକ ବ୍ୟୁରୋ : କଳିଙ୍ଗା ଘାଟିରେ ଟ୍ରକ୍ ଦୁର୍ଘଟଣା ଗ୍ରସ୍ତ । ଏହି ଦୁର୍ଘଟଣାରେ ଦୁଇ ଜଣ ଗୁରୁତର ଭାବେ ଆହତ ହୋଇଛନ୍ତି । ଗତ କାଲି ରାତିରେ କଳିଙ୍ଗା ଘାଟିର ଅନ୍ଧାରକୋଟି ନିକଟରେ କନ୍ଧମାଳ ପଟୁ ଗଞ୍ଜାମକୁ ଆସୁଥିବା ଗାଡ଼ି ନମ୍ବର ଏପି-୨୧-TJD-୫୫୩୩ ଟ୍ରକଟି ଭାରସାମ୍ୟ ହରାଇ ଘାଟିରେ ଦୁର୍ଘଟଣା ହୋଇଥିଲା ଯେଉଁଥିରେ ଡ଼୍ରାଇଭର ଓ ହେଲପର ଗୁରୁତର ଆହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଘଟଣାସ୍ଥଳରେ ଉଦୟଗିରି ଆଇଆଇସି ନରେଶ ସାହୁ ପହଁଚି ଆମ୍ବୁଲାନ୍ସ ଯୋଗେ ଗୁରୁତର ଦୁଇଜଣଙ୍କୁ ଭଂଜନଗର ପଠାଇଥବା ବେଳେ ପରେ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ବଡ଼ ମେଡ଼ିକଲକୁ ସ୍ଥାନାନ୍ତର କରାଯାଇଛି । ଗାଡ଼ି ନିକଟରୁ ଗୋଟିଏ ଛିଣ୍ଡା ଗୋଡ଼କୁ ଉଦ୍ଧାର କରିବା ସହ ତୁରନ୍ତ ସେହି ଗୋଡ଼କୁ ଡ଼ାକ୍ତରଖାନା ନେଇ ପହଁଚିଛି । କୁହୁଡ଼ି ଯୋଗୁଁ ବୁଲାଣିଆ ରାସ୍ତା ଦେଖାନଯିବାରୁ ଏହି ଦୁର୍ଘଟଣା ହୋଇଥିବା ଅନୁମାନ କରାଯାଉଛି ।