କନକ ବ୍ୟୁରୋ : ତ୍ରିପୁରା ନଗର ନିଗମ ନିର୍ବାଚନରେ ବଜେପି ବାଜିମାତ କରିଛି । ଆଜି ହୋଇଥିବା ଭୋଟ ଗଣତି ମୁତାବକ ୨୨୨ ଆସନରୁ ବିଜେପି ୨୧୭ ଆସନରେ ବିଜୟଲାଭ କରିଛି । ତ୍ରିପୁରାର ନଗର ନିଗମର ୫୧ ଟି ୱାର୍ଡ, ୧୩ ଟି ନଗର ପାଳିକା ଓ ୬ ଟି ନଗର ପଞ୍ଚାୟତ ସହ ମୋଟ ୩୩୪ ଟି ଆସନରେ ଭୋଟ ଗ୍ରହଣ ହୋଇଥିଲା । ଏଥିରେ ସହରାଞ୍ଚଳ ନଗର ନିଗମ ନିର୍ବାଚନରେ ବିଜେପି ବାଜିମାତ କରିଛି । ସମସ୍ତ ଆସନରେ ବିଜେପି ପ୍ରାର୍ଥୀ ଦେଇଥିବା ବେଳେ ୧୧୨ ଟି ଆସନରେ ବିଜେପି ବିରୋଧରେ କେହି ପ୍ରାର୍ଥୀ ଦେଇ ନଥିଲେ ।

Advertisment

ନିର୍ବାଚନ ଫଳାଫଳ ଆସିବା ପରେ ବିଜେପି ଉପାଧ୍ୟକ୍ଷ ଦିଲ୍ଲୀପ ଘୋଷ କହିଛନ୍ତି କି ‘ତ୍ରିପୁରା ନିର୍ବାଚନ ଫଳାଫଳ ଏହା ପ୍ରମାଣ କରୁଛି କି ପୂର୍ବତ୍ତୋର ରାଜ୍ୟମାନଙ୍କରେ ମମତା ଯେଭଳି ଭାବେ ଅଭିଯାନ ଚଳାଇଥିଲେ ତାହାକୁ ଭୋଟରମାନେ ପ୍ରତ୍ୟାଖାନ କରିଛନ୍ତି ’

ରାଜ୍ୟ ନିର୍ବାଚନ ଆୟୋଗଙ୍କ ସୂଚନା ମୁତାବକ ୧୫ ସଦସ୍ୟ ବିଶିଷ୍ଟ ଖୋଭାଇ ନଗର ପରିଷନ, ୧୭ ସଦସ୍ୟ ବିଶିଷ୍ଟ ବୋଲୋନିଆ ନଗର ପରିଷଦ, ୧୫ ସଦସ୍ୟ ବିଶିଷ୍ଟ କୁମାରଘାଟ ନଗର ପରିଷଦ ଓ ୯ ସଦସ୍ୟ ବିଶିଷ୍ଟ ସବରୁମ ନଗର ପଞ୍ଚାୟତର ସମସ୍ତ ୱାର୍ଡରେ ବିଜେପି ସମସ୍ତ ଆସନରେ ବିଜୟୀ ହୋଇଛି । ଅନ୍ୟପଟେ ଧର୍ମନଗର ପରିଷଦର ୨୫ ୱାର୍ଡ, ତୋଲିମାପୁର ନଗର ପରିଷଦର ୧୫ ୱାର୍ଡ ଓ ଅମରପୁର ନଗର ପଞ୍ଚାୟତର ୧୩ ଟି ୱାର୍ଡରେ ବିଜେପି କ୍ଲିନ ସ୍ୱିପ କରିଛି ।

ସେପଟେ ଦୀର୍ଘ ୨୦ ବର୍ଷଧରି ଶାସନ କ୍ଷମତାରେ ଥିବା ସିପିଆଇ (ଏମ) ଓ ଏବେ ସେଠାରେ କାୟା ବିସ୍ତାର କରିବାକୁ ଚେଷ୍ଟା ଚଳାଇଥିବା ଟିଏମସିକୁ ନିରାଶ ହେବାକୁ ପଡିଛି । ଏହି ଦୁଇଦଳ ଗୋଟିଏ ବି ଆସନରେ ନିଜର ଖାତା ଖୋଲିପାରି ନାହାଁନ୍ତି ।