କନକ ବ୍ୟୁରୋ : କରୋନା ପରେ ଏବେ ତ୍ରିପୁରାରେ ଏନିମିଆ ଭୂତାଣୁ ସଂକ୍ରମଣ । ରାଜ୍ୟରେ ଜୁଲାଇ ପହିଲାରୁ ୯ ତାରିଖ ପର୍ଯ୍ୟନ୍ତ ୪,୪୨୯ ଜଣଙ୍କର ପରୀକ୍ଷା କରାଯାଇଥିବା ବେଳେ ସେମାନଙ୍କ ମଧ୍ୟରୁ ୧,୭୯୯ ଜଣଙ୍କ ଠାରେ ଏନିମିଆ ଭୂତାଣୁ ଚିହ୍ନଟ ହୋଇଛି । ଏନିମିଆ ସଂକ୍ରମଣ ମାମଲାରେ ପଜିଟିଭ୍ ଚିହ୍ନଟ ହୋଇଥିବା ବ୍ୟକ୍ତିମାନଙ୍କ ମଧ୍ୟରୁ ୫୦ ଜଣ ଗମ୍ଭୀର ସ୍ଥିତିରେ ଥିବା ବେଳେ ୭୧୦ ଜଣ ମଧ୍ୟମ ଓ ୧୦୩୪ ଜଣଙ୍କ ଠାରେ ସ୍ୱଳ୍ପ ସଂକ୍ରମଣ ଦେଖା ଦେଇଛି । ନବୀନତମ ରାଷ୍ଟ୍ରୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ ରିପୋର୍ଟ ମୁତାବକ ରାଜ୍ୟରେ ଏନିମିଆ ସଂକ୍ରମଣ ବୃଦ୍ଧିକୁ ନେଇ ସ୍ୱାସ୍ଥ୍ୟ ବିଭାଗ କ୍ୟାମ୍ପେନ ମୋଡରେ ପରୀକ୍ଷଣ ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏନିମିଆ ମୁକ୍ତ ତ୍ରିପୁରା ଅଭିଯାନର ମୁଖ୍ୟ ଅଧିକାରୀ ମୌସମୀ ସରକାର କହିଛନ୍ତି କି, ନବୀନତମ ରାଷ୍ଟ୍ରୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ ରିପୋର୍ଟ-୪ ମୁତାବକ ତ୍ରିପୁରାରେ ପାଖା ପାଖି ୫୦ ପ୍ରତିଶତ ଏନିମିଆ ମାମଲା ଥିଲା ହେଲେ ଏବେର ରିପୋର୍ଟ ମୁତାବକ ଏହା ୬୭ ପ୍ରତିଶତକୁ ବୃଦ୍ଧି ପାଇଛି । ଏହା ଚିନ୍ତାର ବିଷୟ ହୋଇଥିବା ବେଳେ ଜୁଲାଇ ପହିଲାରୁ ପରୀକ୍ଷଣ ଜୋରଦାର କରାଯାଇଛି ।
ଏହାସହ ମୌସମୀ ସରକାର କହିଛନ୍ତି କି ଏନିମିଆ ପରୀକ୍ଷଣରେ ୨ ପ୍ରକାର ପଦ୍ଧତି ଅବଲମ୍ବନ କରାଯାଉଛି । ପ୍ରଥମଟି ସାହିଲ ପରୀକ୍ଷା ପଦ୍ଧତି ଓ ଦ୍ୱିତୀୟଟି ଡିଜିଟାଲ ଏଚବି ପଦ୍ଧତି । ମୋଟ ୪,୪୨୯ ଜଣଙ୍କର ପରୀକ୍ଷା ହୋଇଥିବା ବେଳେ ସେମାନଙ୍କ ମଧ୍ୟରୁ ସାହିଲ ପରୀକ୍ଷା ପଦ୍ଧତିରେ ୨,୯୦୫ ଜଣଙ୍କର ପରୀକ୍ଷା କରାଯାଇଥିବା ବେଳେ ୨,୦୦୬ ଜଣଙ୍କର ଡିଜିଟାଲ ଏଚବି ପଦ୍ଧତିରେ ପରୀକ୍ଷା କରାଯାଇଛି । ଏହାସହ ପରୀକ୍ଷଣ ବଢାଇବାକୁ ସ୍ୱାସ୍ଥ୍ୟ ବିଭାଗ ତରଫରୁ ହିମୋଗ୍ଲୋବିନୋମିଟର ପ୍ରସ୍ତୁତ କରାଯାଇଥିବା କଥା ସେ କହିଛନ୍ତି ।