କନକ ବ୍ୟୁରୋ: ରାଜ୍ୟସଭାରେ ପାସ୍ ହେଲା ତିନି ତଲାକ ବିଲ । ଟ୍ରିପିଲ ତଲାକ ବିଲ ବା ମୁସଲିମ ମହିଳା ( ବିବାହ ଅଧିକାର ସୁରକ୍ଷା) ବିଲ୍ ଗୃହୀତ ହୋଇଯାଇଛି । ଏହି ବିଲ ସପକ୍ଷରେ ୯୯ ଟି ଭୋଟ ଓ ବିରୋଧରେ ୮୪ ଟି ଭୋଟ ପଡିଥିଲା । ଭୋଟିଂ ବେଳେ ଏଆଇଡିଏମକେ,ଜେଡିୟୁ,ଟିଆରଏସ, ଓ ବିଏସପି କକ୍ଷତ୍ୟାଗ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଏହି ବିଲ ଉପରେ ଅଧିକ ତର୍ଜମା ପାଇଁ ଏହାକୁ ସିଲେକ୍ଟ କମିଟିକୁ ପଠାଇବାକୁ କଂଗ୍ରେସ, ତୃଣମୂଳ କଂଗ୍ରେସ, ଡିଏମକେ ଓ ଏନଡିଏ ସହଯୋଗୀ ଦଳ ଜେଡିୟୁ ଦାବି କରୁଥିଲେ । କିନ୍ତୁ ରାଜ୍ୟସଭାରେ ଏହି ପ୍ରସ୍ତାବ ୧୦୦-୮୪ ଭୋଟରେ କାଟ ଖାଇଯାଇଥିଲା । ଏହାଛଡା ବିରୋଧୀ ଦଳର ଆଉ କେତେକ ସଂଶୋଧନ ପ୍ରସ୍ତାବ ମଧ୍ୟ କାଟ ଖାଇଥିଲା ।
ଗତ ଜୁଲାଇ ୨୫ ରେ ଲୋକସଭାରେ ଏହି ବିଲ୍ ପାସ୍ ହୋଇଥିଲା । ଏହି ବିଲ ସପକ୍ଷରେ ୩୦୩ ଟି ଭୋଟ ପଡିଥିଲା । ଏହି ବିଲ ଆଇନରେ ପରିଣତ ହେଲେ ମୁସଲିମ ମହିଳାଙ୍କୁ ଗୋଟିଏ ଥରରେ ତିନିଥର ତଲାକ କହି ଛାଡପତ୍ର ଦେବା ବେଆଇନ ହୋଇଯିବ । ଦୋଷୀ ବିରୋଧରେ ଜେଲଦଣ୍ଡର ବ୍ୟବସ୍ଥା ମଧ୍ୟ ରହିଛି । ଆଇନ ମନ୍ତ୍ରୀ ରବିଶଙ୍କର ପ୍ରସାଦ ଏହାକୁ ଆଗତ କରିଥିଲେ ।