ସୁସ୍ମିତା ଦେବଙ୍କୁ ରାଜ୍ୟସଭା ପ୍ରାର୍ଥୀ କଲା ଟିଏମସି
କନକ ବ୍ୟୁରୋ : ଗତମାସରେ କଂଗ୍ରେସ ଛାଡି ଟିଏମସିରେ ଯୋଗ ଦେଇଥିବା ସୁସ୍ମିତା ଦେବଙ୍କୁ ମମତା ବାନାର୍ଜୀ ରାଜ୍ୟସଭା ପାଇଁ ପ୍ରାର୍ଥୀ କରିଛନ୍ତି । ଏହି ନିଷ୍ପତ୍ତି ବାବଦରେ ସୂଚନା ଦେଇ ଟିଏମସି ପକ୍ଷରୁ ଏକ ଟ୍ୱିଟ୍ କରାଯାଇଛି । ଏଥିରେ କୁହାଯାଇଛି କି, ମହିଳାମାନଙ୍କ ସଶକ୍ତ କିରିବା ଓ ରାଜନୀତିରେ ସେମାନଙ୍କ ଭାଗିଦାରୀ ସୁନିଶ୍ଚିନ୍ତ କରିବାକୁ ମମତା ବାନାର୍ଜୀଙ୍କ ଆଶା ରହିଛି । ଏହାଦ୍ୱାରା ସମାଜକୁ ଅଧିକ ସହାୟତା ମିଳିପାରିବ ବୋଲି ଟିଏମସି ପକ୍ଷରୁ କରାଯାଇଥିବା ଟ୍ୱିଟରେ ଉଲ୍ଲେଖ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ସୁସ୍ମିତା ଦେବ ଚଳିତବର୍ଷ ଅଗଷ୍ଟ ମାସରେ କଂଗ୍ରେସ ଛାଡିବା ପରେ ଟିଏମସିରେ ଯୋଗ ଦେଇଥିଲେ । ଏହି ଅବସରରେ ଟିଏମସି ମହାସଚିବ ଅଭିଷେକ ବାନାର୍ଜୀ ଉପସ୍ଥିତ ଥିଲେ । ସେବେଠାରୁ ସୁସ୍ମିତା ଦେବ ତ୍ରିପୁରାରେ ଟିଏମସି ସଂଗଠନକୁ ମଜବୁତ କରିବାକୁ କାମରେ ଲାଗିଛନ୍ତି । କହିରଖୁ କି ଆସାମ ବିଧାନସଭା ନିର୍ବାଚନ ସମୟରେ ସୁସ୍ମିତା ଦେବ ଓ କଂଗ୍ରେସ ମଧ୍ୟରେ କିଛି ବିବାଦ ଦେଖାଦେଇଥିଲା । ଦଳର କିଛି ନିଷ୍ପତ୍ତିକୁ ନେଇ ଅସନ୍ତୁଷ ଥିଲେ ସୁସ୍ମିତା । ଆସାମ ବିଧାନସଭା ନିର୍ବାଚନ ଫଳାଫଳ ଆସିବାର କିଛିମାସ ମଧ୍ୟରେ ସେ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ ।
Trinamool Congress nominates Sushmita Dev to Rajya Sabha.
“Mamata Banerjee’s vision to empower women and ensure their maximum participation in politics shall help our society to achieve much more!” tweets TMC.
(File pic) pic.twitter.com/UwrdZHZXIH
— ANI (@ANI) September 14, 2021
ନିର୍ବାଚନ ଆୟୋଗ ସେପ୍ଟେମ୍ବର ୯ ତାରିଖରେ ପଶ୍ଚିମବଙ୍ଗ, ଆସାମ, ମହାରାଷ୍ଟ୍ର, ମଧ୍ୟ ପ୍ରଦେଶ ଓ ପୁଡୁଚେରୀର ଗୋଟିଏ ଲେଖାଏଁ ଓ ତାମିଲନାଡୁରେ ଦୁଇଟି ରାଜ୍ୟସଭା ଆସନ ପାଇଁ ଉପନିର୍ବାଚନ ତାରିଖ ଘୋଷଣା କରିଥିଲେ । ଏହି ସବୁ ଆସନ ପାଇଁ ଅକ୍ଟୋବର ୪ ତାରିଖରେ ଭୋଟ ଗ୍ରହଣ ହେବ । ରାଜ୍ୟସଭାର ୭ ଟି ଆସନ ପାଇଁ ଅନୁଷ୍ଠିତ ହେବାକୁ ଯାଉଥିବା ଭୋଟ ଗ୍ରହଣ ମଧ୍ୟରୁ ୫ ଟି ଆସନରେ ରାଜ୍ୟସଭା ସାଂସଦମାନେ ଇସ୍ତଫା ଦେଇଥିବା ବେଳେ କଂଗ୍ରେସର ରାଜୀବ ସାତବଙ୍କ ମୃତ୍ୟୁ ପରେ ଗୋଟିଏ ଆସନ ଓ ପୁଡୁଚେରୀରେ ଗୋକୁଳକୃଷ୍ଣନଙ୍କ କାର୍ଯ୍ୟାକାଳ ଶେଷ ହେବାରୁ ଗୋଟିଏ ଆସନ ଖାଲି ପଡିଛି ।
ନିର୍ବାଚନ ଆୟୋଗଙ୍କ ଅଧିସୂଚନା ମୁତାବକ ନାମାଙ୍କନ ଦାଖଲ କରିବାର ଶେଷ ତାରିଖ ରହିଛି ସେପ୍ଟେମ୍ବର ୨୨ ଓ ନାମାଙ୍କନ ପ୍ରତ୍ୟାହାର କରିବାର ଶେଷ ତାରିଖ ରହିଛି ସେପ୍ଟେମ୍ବର ୨୭ । ଏହାସହ ଅକ୍ଟୋବର ୪ ତାରିଖରେ ମତଦାନ ହେବ ଓ ସେହିିଦିନ ଫଳାଫଳ ପ୍ରକାଶ ପାଇବ ।