କନକ ବ୍ୟୁରୋ : ବିଜେଡିରେ ମୀରାଙ୍କୁ ମିଳିଲା ନୂଆ ଦାୟିତ୍ୱ । ବିଜୁ ମହିଳା ଜନତା ଦଳର ରାଜ୍ୟ ଉପ-ସଭାପତି ଭାବେ ମୀରାଙ୍କୁ ନୂଆ ଦାୟିତ୍ୱ ଦେଇଛନ୍ତି ବିଜେଡି ସୁପ୍ରିମୋ । ଆଉ ପ୍ରଥମ କିନ୍ନର ଭାବେ ଏହି ପଦ ପାଇବାରେ ସକ୍ଷମ ହୋଇଛନ୍ତି ମୀରା ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ କିନ୍ନର ଆଖଡାର ମହାମଣ୍ଡଳେଶ୍ୱର ମୀରା ପରିଡା ଗତ ମାର୍ଚ୍ଚ ୧୭ ତାରିଖରେ ବିଜେଡିରେ ବିଧିବଦ୍ଧ ଭାବେ ସାମିଲ ହୋଇଥିଲେ । ମୀରାଙ୍କ ସହ ଭାରତର ସର୍ବପ୍ରଥମ କିନ୍ନର ଡ୍ରାଇଭର ମେଘନା ସାହୁଙ୍କ ସମେତ ଅନ୍ୟମାନେ ମଧ୍ୟ ବିଜେଡିରେ ଯୋଗ ଦେଇଥିଲେ । ସେତେବେଳେ ମୀରା ନବୀନଙ୍କୁ ପ୍ରଂଶସା କରିବାକୁ ଯାଇ କହିଥିଲେ, ଏବେ ପର୍ଯ୍ୟନ୍ତ ରାଜ୍ୟରେ କୌଣସି ରାଜନୈତିକ ଦଳ କିନ୍ନର ସମାଜକୁ ଦଳରେ ସାମିଲ କରିନଥିବା ବେଳେ ବିଜେଡି ଏଥିରେ ବ୍ୟତିକ୍ରମ ସାଜିଥିଲା । ଗତ ୨୦ ବର୍ଷ ମଧ୍ୟରେ ନବୀନ ପଟ୍ଟନାୟକ ଯେଉଁଭଳି ଉନ୍ନତିମୂଳକ କାର୍ଯ୍ୟ କରିଛନ୍ତି ସେଥିରେ ପ୍ରଭାବିତ ହୋଇ ବିଜେଡିରେ ମିଶିଥିବା କହିଥିଲେ ମୀରା ।
ଏହାପୂର୍ବରୁ ଅନ୍ୟ ଜଣେ କିନ୍ନର କାଜଲ ନାୟକଙ୍କୁ କୋରେଇ ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିଲା ବିଏସପି । ପ୍ରଥମ ଥର ପାଇଁ ରାଜ୍ୟରେ କିନ୍ନର ସମାଜରୁ କେହି ନିର୍ବାଚନକୁ ଓହ୍ଲାଇଥିଲେ । ଗତ ୨୦୧୭ ମସିହାରେ ରାଜ୍ୟ ନିର୍ବାଚନ କମିଶନଙ୍କ ନିକଟରେ କିନ୍ନର ସମାଜର ବ୍ୟକ୍ତିଙ୍କୁ ନିର୍ବାଚନ ଲଢିବାକୁ ସୁଯୋଗ ଦିଆଯାଉ ବୋଲି ପିଟିସନ ଦାୟର କରାଯାଇଥିଲା ।