ଡରାଉଛି ସାମୁଦ୍ରିକ ଝଡ ତୌକତେ । ମୁମ୍ବାଇରୁ ୫୮୦ କରୋନା ରୋଗୀଙ୍କୁ ସ୍ଥାନାନ୍ତର । ପ୍ରବଳ ବର୍ଷା ହେବା ନେଇ ସୂଚନା ଜାରିକଲା ଭାରତୀୟ ପାଣିପାଗ ବିଭାଗ
କନକ ବ୍ୟୁରୋ : ସାମୁଦ୍ରିକ ଝଡ ତୌକତେକୁ ନେଇ ଭାରତୀୟ ପାଣିପାଗ ବିଭାଗ ସତର୍କ ସୂଚନା ଜାରି କରିବା ପରେ ବୃହନମୁମ୍ବାଇ ନଗର ନିଗମ କୋଭିଡ କେୟାର ସେଣ୍ଟରରୁ ୫୮୦ ଜଣ କରୋନା ସଂକ୍ରମିତଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିଛି । ସୂଚନା ମୁତାବକ ବିକେସିରୁ ୨୪୩, ଦହିସରରୁ ୧୮୩ ଓ ମୁଲୁଣ୍ଡ ରୁ ୧୫୪ ଜଣ କରୋନା ରୋଗୀଙ୍କୁ ସ୍ଥାନାନ୍ତର କରାଯାଇଛି । କହିରଖୁ କି ସାମୁଦ୍ରିକ ଝଡ ତୌକତେ ପ୍ରଭାବରେ ମୁମ୍ବାଇରେ ୬୦-୮୦ କିଲୋମିଟର ବେଗରେ ପବନ ବହିବ ବୋଲି ପୂର୍ବାନୁମାନ କରି ସତର୍କ କରିଛି ପାଣିପାଗ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ବିଏମସିର ଜଣେ ଅଧିକାରୀଙ୍କ ସୂଚନା ମୁତାବକ ଶନିବାର ରାତିରେ ୫୮୦ ଜଣ କରୋନା ରୋଗୀଙ୍କୁ ସ୍ଥାନାନ୍ତର କରାଯାଇଛି । ଏହାସହ ସହରରେ ଲାଗିଥିବା ସମ୍ପୂର୍ଣ୍ଣ ଲକଡାଉନ ଉପରେ ବି ବିଚାର କରାଯାଉଥିବା କଥା ସେ କହିଛନ୍ତି । ଏହାସହ ଉପନଗର ରେଳ ସେବା ଚାଲୁ ରହିବ ବୋଲି ସେ ସୂଚନା ଦେଇଛନ୍ତି ।
In view of Cyclone Tauktae, 580 COVID patients were shifted from jumbo centres to other facilities. Visuals from last night. pic.twitter.com/JOu90TKOf2
— ANI (@ANI) May 15, 2021
ଅନ୍ୟପଟେ ଭାରତୀୟ ପାଣିପାଗ ବିଭାଗର ସୂଚନା ମୁତାବକ ସାମୁଦ୍ରିକ ଝଡ ତୌକତେ ମୁମ୍ବାଇର ତଟବର୍ତ୍ତୀ ଅଞ୍ଚଳ ଦେଇ ଅତିକ୍ରମ କରିପାରେ ବୋଲି ଅନୁମାନ ଲଗାଇଛି ।ଏହାସହ ମୁମ୍ବାଇ ଓ ଥାଣେ ଅଞ୍ଚଳରେ ପ୍ରବଳ ବେଗରେ ପବନ ବୋହିପାରେ ବୋଲି ବି ସୂଚନା ଦେଇଛି ।
ଏଭଳି ସୂଚନା ପାଇବା ପରେ ଡିଜାଷ୍ଟର ମ୍ୟାନେଜମେଣ୍ଟ ଅଧିକାରୀ ବାତ୍ୟା ମୁକାବିଲା କରିବାକୁ ପ୍ରସ୍ତୁତି ଆରମ୍ଭ କରିଦେଇଛନ୍ତି । ତଟବର୍ତ୍ତୀ ଅଞ୍ଚଳର ଲୋକଙ୍କୁ ଆଶ୍ରୟ ଗୃହକୁ ଆଣିବା ସହ ସେମାନଙ୍କ ପାଇଁ ସମସ୍ତ ବନ୍ଦୋବସ୍ତ କରୁଥିବା ସୂଚନା ମିଳିଛି ।