କନକ ବ୍ୟୁରୋ : ଉତ୍ତରାଖଣ୍ଡ ଟନକପୁର ରେଳ ଲାଇନରେ ଏକ ଅଜବ ଘଟଣା ଦେଖିବାକୁ ମିଳିଛି । ଦିଲ୍ଲୀରୁ ଟନକପୁର ଯାଉଥିବା ପୂର୍ଣ୍ଣଗିରୀ ଜନଶତାବ୍ଦି ଟ୍ରେନ୍ ଓଲଟା ଦିଗରେ ପାଖା ପାଖି ୩୫ କିଲୋମିଟର ଦୌଡିଥିବା ଦେଖିବାକୁ ମିଳିଛି । ଟ୍ରେନଟି ଓଲଟା ଦିଗରେ ଚାଲୁଥିବା ଜାଣିବା ପରେ ଲୋକପାଇଲଟ୍ ଏହାକୁ ଅଟକାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ପୂର୍ଣ୍ଣଗିରୀ ଜନଶତାବ୍ଦି ଟ୍ରେନଟି ଟନକପୁର ଷ୍ଟେସନ ନିକଟରେ ପହଂଚିବା ପୂର୍ବରୁ ଏକ ଗାଈ ଟ୍ରେନ ଆଗକୁ ଚାଲିଆସିଥିଲା । ଡ୍ରାଇଭର ବ୍ରେକ୍ ଲଗାଇ ଭେକୁଲ ରିଲିଜ କରିବା ପରେ ଅଚାନକ ଟ୍ରେନଟି ବିପରିତ ଦିଗରେ ଦୌଡିବାକୁ ଆରମ୍ଭ କରିଥିଲା ।
ଟ୍ରେନଟି ଓଲଟା ଦିଗରେ ଦୌଡିବାକୁ ଟ୍ରେନରେ ଥିବା ଯାତ୍ରୀ ମାନେ ଭୟଭିତ ହୋଇପଡିଥିଲେ । ବହୁ କଷ୍ଟରେ ଟ୍ରେନଟିକୁ ଖଟିମା ଷ୍ଟେସନ ଠାରେ ରୋକା ଯାଇଥିଲା । ଏହାପରେ ଯାତ୍ରୀ ମାନଙ୍କୁ ସେଠାରେ ଉହ୍ଲାଇ ବସ୍ ଯୋଗେ ଟନକପୁର ଷ୍ଟେସନକୁ ପଠାଯାଇଥିଲା ।
#WATCH | Purnagiri Jansatabdi train runs backwards due to cattle run over b/w Khatima-Tanakpur section in Uttarakhand. Incident happened earlier today.
There was no derailment & passengers were transported to Tanakpur safely. Loco Pilot & Guard suspended: North Eastern Railway pic.twitter.com/808nBxgxsa
— ANI (@ANI) March 17, 2021
ଏନେଇ ଚମ୍ପାବତ୍ ପୋଲିସ ଅଧିକ୍ଷକ ଲୋକେଶ୍ୱର ସିଂ କହିଛନ୍ତି କି ଏକ ପଶୁକୁ ରକ୍ଷା କରିବାକୁ ଯାଇ ଅଚାନକ୍ ବ୍ରେକ୍ ଲଗାଇବାରୁ ଟ୍ରେନଟି ଓଲଟା ଦିଗରେ ଚାଲିବାକୁ ଆରମ୍ଭ କରିଥିଲା । ଏହି ଖବର ପାଇବା ପରେ ପିଲିଭିତ ରେଳ ବିଭାଗର ଏକ ଟେକନିକାଲ୍ ଟିମ୍ ଖଟିମା ଷ୍ଟେସନରେ ପହଂଚି ଘଟଣାର ଯାଂଚ କରୁଛନ୍ତି । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ବେସ୍ ଭାଇରାଲ ହେବାରେ ଲାଗିଛି ।