ଗୋଟିଏ କ୍ଲିକରେ ଜାଣିପାରିବେ ସବୁଠାରୁ ଶସ୍ତା ମୋବାଇଲ ପ୍ଲାନ : ଆପଣାନ୍ତୁ ଏହି ଉପାୟ
ଦୂର ସଂଚାର କମ୍ପାନୀର ଭଲ ଓ ଶସ୍ତା ପ୍ଲାନ ପାଇଁ ଏବେ ଆପଣଙ୍କୁ ଏପଟେ ସେପଟେ ବୁଲିବାକୁ ପଡିବନି । ପ୍ରି-ପେଡ ହେଉ ବା ପୋଷ୍ଟ ପେଡ, ଲ୍ୟାଣ୍ଡଲାଇନ ହେଉ ବା ବ୍ରୋଡବ୍ୟାଣ୍ଡ ଉପଭୋକ୍ତା କେବଳ ଗୋଟିଏ କ୍ଲିକରେ ଜାଣିପାରିବେ କି କେଉଁ ପ୍ଲାନଟି ସବୁଠାରୁ ଭଲ ।
Kanak News is now on WhatsApp
Join and get latest news updates delivered to you via WhatsApp
‘ଦୂର ସଂଚାର ନିୟାମକ ଟ୍ରାଇ’ ଉପଭୋକ୍ତାଙ୍କ ସୁବିଧାକୁ ଦେଖି ନିଜ ୱେବସାଇଟ www.trai.gov.in ରେ ସମସ୍ତ କମ୍ପାନୀର ପ୍ଲାନ ଦର୍ଶାଇବା କାମ ଆରମ୍ଭ କରିଦେଲାଣି । ଏହା ମାଧ୍ୟମରେ ଉପଭୋକ୍ତା ସହଜରେ ସମସ୍ତ କମ୍ପାନୀଙ୍କ ପ୍ଲାନର ତୁଳନା କରିପାରିବେ । ଦିଲ୍ଲୀ ଅଂଚଳର ଉପଭୋକ୍ତା ଏବେ ପ୍ରି-ପେଡ ଓ ପୋଷ୍ଟ ପେଡ, ବ୍ରୋଡ ବ୍ୟାଣ୍ଡର ମାସିକ ଖର୍ଚ୍ଚର ତୁଳନା କରିପାରିବେ । ସମସ୍ତ ୨୨ ସର୍କଲରେ ଏହି ସେବାର ଆରମ୍ଭ ଏକ ମାସରେ ହୋଇଯିବ । କିନ୍ତୁ ଏବେ ଅନ୍ୟ ସର୍କଲର ଡାଟା ଉପରେ ପରୀକ୍ଷଣ କାମ ଚାଲିଛି ।
ଟ୍ରାଇର ଅଧ୍ୟକ୍ଷ ଆର ଏ ଶର୍ମାଙ୍କ କହିବାନୁସାରେ, ଉପଭୋକ୍ତାଙ୍କ ସୁବିଧା ପାଇଁ ନିୟାମକ ସମସ୍ତ ପଦକ୍ଷେପ ନେଉଛି । ଏହି ବ୍ୟବସ୍ଥା ଜରିଆରେ ଆପଣ ସହଜରେ ଜାଣିପାରିବେ ଯେ କେଉଁ କମ୍ପାନୀ କେତେ ଦରରେ ପ୍ଲାନ ଦେଉଛି । ଉପଭୋକ୍ତା ୱେବସାଇଟ ଜରିଆରେ ଭଲ ଓ ଶସ୍ତା ପ୍ଲାନ ସହଜରେ ଚୟନ କରିପାରିବେ ଓ ଉପଭୋକ୍ତା କୈାଣସି ପ୍ଲାନ ବିଷୟରେ ମଧ୍ୟ ନିଜର ମତାମତ ଦେଇପାରିବେ ।
ଦୂର ସଂଚାର କ୍ଷେତ୍ରର ବିଶେଷଜ୍ଞ ପଲ୍ଲବୀଙ୍କ ମୁତାବକ, ଟ୍ରାଇର ଏହି ପଦକ୍ଷେପର ଲାଭ ଉପଭୋକ୍ତାଙ୍କୁ ମିଳିବ । ଦୂରସଂଚାର କମ୍ପାନୀ ପ୍ରତି ବର୍ଷ ଟ୍ରାଇକୁ ୨୨,୦୦୦ରୁ ୨୫,୦୦୦ ଟାରିଫ ପ୍ଲାନ ଯୋଗାଇ ଦିଏ ।