୬ ମାସର କଂଟ ପରେ ଆକ୍ସନ ମୋଡରେ ଟ୍ରାଫିକ ପୋଲିସ । ଗୋଟିଏ ଦିନରେ କଟିଲା ୧୬ ଶହ ୫୦ ନିୟମ ଖିଲାପକାରୀଙ୍କ ଚାଲାଣ

କନକ ବ୍ୟୁରୋ : ଟ୍ରାଫିକ୍ ନିୟମ କଡ଼ାକଡ଼ି ପରେ ଧରପଗଡ଼ର ଅନେକ ଚିତ୍ର ଆସିଛି । କେଉଁଠି ଜରିମାନା ଆଦାୟ ହୋଇଛି, ତ ଆଉ କେଉଁଠି ଯୁକ୍ତତର୍କ ଦେଖିବାକୁ ମିିଳିଛି । ପ୍ରଥମ ଦିନରେ ରାଜ୍ୟ ବିଭିନ୍ନ ସ୍ଥାନରେ ରାତି ୯ଟା ସୁଦ୍ଧା ୧୬୫୦ ଜଣ ନିୟମ ଖିଲାପକାରୀଙ୍କ ଚାଲାଣ କଟିଛି ଟ୍ରାଫିକ୍ ପୁଲିସ୍ । କଟକରେ ସର୍ବାଧିକ ୨୩୫ ଜଣ ଚାଲାଣ କାଟିଛି ଟ୍ରାଫିକ୍ ପୁଲିସ୍ । ସେହିପରି ବାଲେଶ୍ୱର ଜିଲ୍ଲାରେ ୧୫୫, ସମ୍ବଲପୁର ଜିଲ୍ଲାରେ ୧୧୯, ବରଗଡ଼ ଜିଲ୍ଲାରେ ୧୦୪, ଗଂଜାମ ଜିଲ୍ଲାରେ ୯୨ ଏବଂ କୋରାପୁଟ୍ ଜିଲ୍ଲାରେ ୮୪ ଜଣଙ୍କ ଚାଲାଣ କଟିଛି ।

ମଦ୍ୟପାନ କରି ଗାଡ଼ି ଚଳେଇବା, ଲାଇସେନ୍ସ ନଥାଇ ଗାଡ଼ି ଚଳେଇବା, ବାଇକରେ ତିନି ଜଣ ଯିବା, ଗାଡ଼ି ଚଳାଇବା ବେଳେ ମୋବାଇଲରେ କଥା ହେବା, ହେଲମେଟ୍ ନପିନ୍ଧି ଗାଡ଼ି ଚଳାଇବା ଆଦି କାରଣରୁ ଏହି ସବୁ ଚାଲାଣ କଟିଥିବା ସୂଚନା ଦିଆଯାଇଛି । ବଡ଼ କଥା ହେଉଛି କେବଳ ଭୁବନେଶ୍ୱର ଆର୍ଟିଓ-ଟୁ ପକ୍ଷରୁ ଗୋଟିଏ ଦିନରେ ମୋଟ୍ ୨ ଲକ୍ଷ ୯୨ ହଜାର ଟଙ୍କା ଜୋରିମାନା ଆକାରରେ ଆଦାୟ କରାଯାଇଛି । ଏଥିରେ ମୋଟ୍ ୧୦୫ ଜଣଙ୍କ ଚାଲାଣ କାଟିଛି ଭୁବନେଶ୍ୱର ଆର୍ଟିଓ-ଟୁ । ଘଟଣା ସ୍ଥଳରୁ ୭୯ ହଜାର ୨ଶହ ଟଙ୍କା ଜୋରିମାନା ଆଦାୟ କରାଯାଇଛି । ସେହିପରି କଟକରେ ୩ ଲକ୍ଷ ୫୧ ହଜାର ଟଙ୍କାର ଜୋରମାନା କରାଯାଇଛି ।