ଡଙ୍ଗା ତିଆରି କରୁଛନ୍ତି କାରିଗର : ଡଙ୍ଗାରେ ବସି ବିଦେଶୀ ପକ୍ଷୀଙ୍କୁ ଦେଖିବେ ପର୍ଯ୍ୟଟକ । ରୋଜଗାର ପାଇବେ ଡଙ୍ଗା କାରିଗର
କନକ ବ୍ୟୁରୋ : ଡଙ୍ଗା ତିଆରି ଚାଲିଛି । କାଠପଟା, କଂଟା ଆଉ ହାତ ହତିଆର ଧରି କାମରେ ଲାଗିଛନ୍ତି ମହାରଣା କାରିଗର । କାରିଗରଙ୍କ ଦ୍ୱାରା ତିଆରି ହୋଇଥିବା ଏହି ଡଙ୍ଗା ଚିଲିକାରେ ଥିବା ବିଭିନ୍ନ ପକ୍ଷୀ ଅଭୟାରଣ୍ୟକୁ ଯାତାୟତ କରିବ । ଏହି ଡଙ୍ଗାରେ ବସି ବିଦେଶାଗତ ଅତିଥିଙ୍କୁ ଦେଖିବା ପାଇଁ ଯିବେ ପର୍ଯ୍ୟଟକ । ଆଉ ରୋଜଗାର ପାଇବେ ଡଙ୍ଗା କାରିଗର ଓ ଡଙ୍ଗା ଚାଳକ ।
Kanak News is now on WhatsApp
Join and get latest news updates delivered to you via WhatsApp
ଅନୁମତି ମିଳିଲା, ରୋଜଗାର ମିଳିବ । ସେଥିପାଇଁ ତ ଏତେ ସବୁ ସଜବାଜ । ଶୀତର ଆଗମନରେ ପକ୍ଷୀ ଅଭୟାରଣ୍ୟକୁ ପକ୍ଷୀଙ୍କ ଆଗମନ ହୋଇଛି । ଧିରେ ଧିରେ ପର୍ଯ୍ୟଟକଙ୍କ ଆଗମନ ହେବ । ଏହାକୁ ନଜରରେ ରଖି ଡଙ୍ଗା ତିଆରି କରୁଛନ୍ତି କାରିଗର । ନିହଣ ମୂନକୁ ଆଉ ତର ନାହିଁ । ଖୋର୍ଦ୍ଧା ଜିଲ୍ଲା ମଙ୍ଗଳାଯୋଡିରେ କରୋନା କଟକଣା ଯୋଗୁଁ ହାତ ବାନ୍ଧି ବସିଥିବା ମହାରାଣା କାରିଗର ଏବେ ଡଙ୍ଗା ତିଆରିରେ ଲାଗିଛନ୍ତି । ଏବଂ ଗୋଟିଏ ଡଙ୍ଗା ତିଆରି କରିବା ପାଇଁ ୫ରୁ ୧୦ ଦିନ ସମୟ ଲାଗୁଛି ।
କରୋନା କଟକଣା ଭତରେ ଡଙ୍ଗା ଚଳାଚଳ ପାଇଁ ଅନୁମତି ମିଳିଛି । ପର୍ଯଟକମାନେ ଡଙ୍ଗାରେ ଚିଲିକା, ଡାଙ୍ଗମାଳ, ମଙ୍ଗଳାଯୋଡି ପକ୍ଷୀ ଅଭୟାରଣ୍ୟକୁ ଯାଇଥାନ୍ତି । ତେଣୁ ପ୍ରତିବର୍ଷ ବହୁ ସଂଖ୍ୟକ ଡଙ୍ଗା ଚିଲିକାରେ ଦେଖିବାକୁ ମିଳିଥାଏ । ଡଙ୍ଗା ବିକ୍ରି କରି ମହାରଣା ସେବାୟତ ଦୁଇ ପଇସା ରୋଜଗାର କରିବା ସହ ଡଙ୍ଗ ଚଳାଇ ନାଉରିଆ ବି ପେଟ ପୋଷିଥାନ୍ତି ।