ସମୁଦ୍ରରେ ଭାସିଗଲେ ପର୍ଯ୍ୟଟକ । ଅସ୍ତରଙ୍ଗ ସମୁଦ୍ରକୂଳରେ ଅଘଟଣ । ଗାଧୋଇବା ବେଳେ ଢେଉରେ ଭାସିଗଲେ ୨ ପର୍ଯ୍ୟଟକ । ଜଣେ ଉଦ୍ଧାର, ଜଣେ ଏବେ ବି ନିଖୋଜ
କନକ ବ୍ୟୁରୋ: ପୁରୀ ଜିଲ୍ଲା ଅସ୍ତରଙ୍ଗ ପିର ଜାହାନିଆ ପୀଠରେ ସମୁଦ୍ରରେ ଗାଧୋଇବା ବେଳେ ଅଘଟଣ । ସମୁଦ୍ର ଢେଉରେ ଦୁଇ ଜଣ ପର୍ଯ୍ୟଟକ ବୁଡ଼ିଗଲା ବେଳେ ଜଣକୁ ଉଦ୍ଧାର କରାଯାଇଛି ଓ ଅନ୍ୟ ଜଣେ ଏବେ ବି ନିଖୋଜ ଅଛନ୍ତି । ସୁଚନା ଅନୁସାରେ ଗତକାଲି ଭୁବନେଶ୍ୱର ଟେକ ମହିନ୍ଦ୍ରା କମ୍ପାନୀର ୨୮ଜଣ ଯୁବକ ପିକନିକ୍ ପାଇଁ ଜାହାନିଆ ପିଠକୁ ଯାଇଥିଲେ । ଏମାନଙ୍କ ମଧ୍ୟରୁ ଅଙ୍କିତ ଏବଂ ଧର୍ମରାଜ ନାମକ ଦୁଇ ସାଙ୍ଗ ସମୁଦ୍ରକୁ ଗଧୋଇ ଯାଇଥିବା ବେଳେ ସମୁଦ୍ର ଢେଉରେ ଭାସି ଯାଇଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଦୁଇ ସାଙ୍ଗ ବୁଡ଼ିଯାଉଥିବା ଦେଖି ସମୁଦ୍ର କୂଳରେ ଥିବା ଆଇସକ୍ରିମ୍ ବିକାଳି ବିନା ଲାଇଫ ଜ୍ୟାକେଟରେ ସମୁଦ୍ରକୁ ଡ଼େଇଁ ପଡ଼ିଥିଲେ । । ଏକ ବିଦ୍ୟୁତ ତାର ସାହାର୍ଯ୍ୟରେ ଅଙ୍କିତକୁ ଉଦ୍ଧାର କରାଯାଇଥିବା ବେଳେ ଧର୍ମରାଜ ଏବେ ବି ନିଖୋଜ ଅଛନ୍ତି । ନିଖୋଜ ଧର୍ମରାଜର ଘର କଟକ ସୁତାହାଟରେ ହୋଇଥିବା ବେଳେ ତାଙ୍କ ପରିବାର ଲୋକ ଅସ୍ତରଙ୍ଗରେ ପହଂଚି ଖୋଜାଖୋଜି ଜାରି ରଖିଛନ୍ତି ।
ସ୍ଥାନୀୟ ଯୁବକ ଜଗଦୀଶ ଦାସ, ରାଜେଶ ବାରିକ, ପିଙ୍କୁ ନାୟକ ଓ ବାବୁନି ନାୟକଙ୍କ ସାହାସିକ ପଦକ୍ଷେପ ପାଇଁ ପର୍ଯ୍ୟଟକ ଅଙ୍କିତ ଉଦ୍ଧାର ହୋଇପାରିଛନ୍ତି । ଏମାନଙ୍କ ସାହାସୀକତାକୁ ସ୍ଥାନୀୟ ଲୋକମାନେ ପ୍ରଶଂସା କରିଛନ୍ତି । ତେବେ ପ୍ରତିବର୍ଷ ପିକନିକ୍ ରୁତୁ ଆସିଲେ ଜାହାନିଆ ପିଠରେ ପର୍ଯ୍ୟଟକଙ୍କ ଭିଡ଼ ଜମୁଛି । ହେଲେ କିଛି ଅଘଟଣ ଏଡ଼ାଇବାକୁ ସ୍ଥାୟୀ ଲାଇଫଗାର୍ଡ଼ ନିଯୁକ୍ତି ପାଇଁ ସାଧାରଣରେ ଦାବି ହେଉଛି ।