କନକ ବ୍ୟୁରୋ : ସରକାର ପରିବେଶ ସନ୍ତୁଳନକୁ ନେଇ ଚିନ୍ତା ବ୍ୟକ୍ତ କରିଛନ୍ତି । ଏନେଇ ମୁଖ୍ୟ କାରଣ ଭାବେ ଇନ୍ଧନ ଚାଳିତ ଯାନ ବୋଲି କୁହାଯାଇଛି । ଏହାର ସମାଧାନ ପାଇଁ କେନ୍ଦ୍ରସରକାର ବୈଦ୍ୟୁତିକ୍ ଯାନର ବ୍ୟବହାର ବଢାଇବାକୁ ଚେଷ୍ଟା କରିଛନ୍ତି। କେନ୍ଦ୍ର ରାଜମାର୍ଗ ଓ ସଡକ ପରିବହନମନ୍ତ୍ରୀ ନିତୀନ୍ ଗଡକରୀଙ୍କ ନେତୃତ୍ୱରେ ବସିଥିବା ଏକ ବୈଠକରେ ଏନେଇ ଏକ ଗୁରୁତ୍ୱପୂର୍ଣ୍ଣ ନିସ୍ପତ୍ତି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିସ୍ପତ୍ତି ମୁତାବକ ବିଦ୍ୟୁତ୍ ଚାଳିତ ଯାନକୁ ସମ୍ପୁର୍ଣ୍ଣ ଜିଏସଟି ମୁକ୍ତ କରିବାକୁ ନିସ୍ପତ୍ତି ନିଆଯାଇଛି। ଏଭଳି କରାଗଲା ସମସ୍ତ ବିଦ୍ୟୁତ୍ ଚାଳିତ ଯାନର ମୂଲ୍ୟ ପାଖା ପାଖି ୩୦ ପ୍ରତିଶତ ହ୍ରାସ ହେବ ବୋଲି ଅନୁମାନ କରଯାଉଛି । ଏହାସହ ଆସନ୍ତା ୫ ବର୍ଷ ମଧ୍ୟରେ ଭାରତକୁ ଅଟୋମୋବାଇଲ ପାଇଁ ବିଶ୍ୱ ଉତ୍ପାଦନ ହବ୍ କରିବାକୁ ସରକାର ଲକ୍ଷ୍ୟ ରଖାଯାଇଛି ବୋଲି ଶ୍ରୀ ଗଡକରୀ କହିଛନ୍ତି । ଅନ୍ୟପକ୍ଷରେ ଭାରତ ଇ-ମୋବିଲିଟି ଆଡକୁ ଅଗ୍ରସର ହେବାର ଏକ ଅଂଶ ଭାବେ ସରକାର ବର୍ତ୍ତମାନ ଦେଶରେ ଅଧିକ ବୈଦ୍ୟୁତିକ ଯାନ ଚାର୍ଜିଂ ପଏଣ୍ଟ ସ୍ଥାପନ କରିବାକୁ ଯୋଜନା ବି କରିଛନ୍ତି । ଏନେଇ ବିଭାଗୀୟ ମନ୍ତ୍ରୀ କହିଛନ୍ତି କି ଦେଶରେ ଆଗକୁ ଅଧିକ ବିଦ୍ୟୁତ୍ ଚାଳିତ ଯାନର ବ୍ୟବହାର ହେବ । ତେଣୁ ଏବେଠୁ ଚାର୍ଜିଂ ପଏଣ୍ଟ ପ୍ରସ୍ତୁତ କରିବାକୁ ପଡିବ । ତେଣୁ ପ୍ରତି ୬୯ ହଜାର ପେଟ୍ରୋଲପମ୍ପ ପାଇଁ ଅତିକମରେ ଗୋଟିଏ ଇଭି- ଚାର୍ଜିଂ ପଏଣ୍ଟ ସ୍ଥାପନା କରିବାକୁ କେନ୍ଦ୍ରସରକାର ନିସ୍ପତ୍ତି ନେଇଛନ୍ତି। ଦେଶରେ ବୈଦ୍ୟୁତିକ ଯାନବାହନ ଚଳାଚଳ କୁ ତ୍ୱରାନ୍ୱିତ କରିବାକୁ ସରକାର ଲକ୍ଷ୍ୟ ରଖିଛନ୍ତି । ଏନେଇ ଶ୍ରୀ ନିତୀନ୍ ଗଡକରି ଏକ ଭର୍ଚୁଆଲ ସଭାକୁ ସମ୍ବୋଧିତ କରି ଏଭଳି ସୂଚନା ଦେଇଛନ୍ତି ।