ମାହାଙ୍ଗା ମୈଦାନରେ କିଏ ଉଡାଇବ ବିଜୟ ଧ୍ୱଜା? ଭୋଟ ଦେଉଛନ୍ତି ଜନତା, ନେତାଙ୍କ ଛାତିରେ ଛନକା ।

କନକ ବ୍ୟୁରୋ : ମାହାଙ୍ଗା ମାଟିରେ କିଏ ମାରିବ ବାଜି । ରାଜ୍ୟ ରାଜନୀତିର ସମ୍ମାନଜନକ ଆସନ ମଧ୍ୟରେ ମାହାଙ୍ଗା ରହିଥିବା ବେଳେ ଏହା ଉପରେ ଏବେ ସମସ୍ତଙ୍କର ଫୋକସ ରହିଛି । ଭୋଟର ମାନେ ନିଜର ମତ ସାବ୍ୟସ୍ତ କରିବାକୁ ଘଣ୍ଟା ଘଣ୍ଟା ଧରି ଧାଡିରେ ଅପେକ୍ଷା କରି ରହୁଛନ୍ତି । ମାହାଙ୍ଗା ବ୍ଳକ୍ ଏବଂ ନିଶ୍ଚିନ୍ତକୋଇଲି ବ୍ଳକର ୨୬ଟି ପଂଚାୟତକୁ ନେଇ ଗଠିତ ଏହି ଆସନରେ ସେଖ ମତଲୁବ୍ ଅଲି ୪ଥର ବିଧାୟକ ଓ ଶରତ କୁମାର କର ୩ ଥର ବିଧାୟକ ରହିଛନ୍ତି । ଗତ ଥର ଏହି ଆସନରେ ବିଜେଡି ବାଜି ମାରିଥିବା ବେଳେ ଚଳିତଥର ମାହାଙ୍ଗା ମୈଦାନରେ କିଏ ବିଜୟ ଧ୍ୱଜା ଉଡାଇବ ତାହା ଉପରେ ସମସ୍ତଙ୍କର ନଜର ରହିଛି ।

୨୦୧୯ର ଲଢେଇ
ବିଜେଡି: ପ୍ରତାପ ଜେନା
କଂଗ୍ରେସ: ଦେବେନ୍ଦ୍ର ସାହୁ
ବିଜେପି: ସାରଦା ପ୍ରଧାନ

ବିଜେଡି : ପ୍ରତାପ ଜେନା
– ୪ଥର ବିଧାୟକ
– ମାହାଙ୍ଗାରୁ ୨ଥର ଏବଂ କିଶୋର ନଗରରୁ ୨ଥର ବିଧାୟକ
– ମନ୍ତ୍ରୀ( ସ୍ୱାସ୍ଥ୍ୟ, ଗଣଶିକ୍ଷା, ଆଇନ୍ ଏବଂ ସୂଚନା ଓ ଲୋକସମ୍ପର୍କ )
– ହେବିୱେଟ୍ ନେତା

କଂଗ୍ରେସ: ଦେବେନ୍ଦ୍ର ସାହୁ
– ଘରୋଇ ବସ୍ ମାଲିକ ସଂଘ ସମ୍ପାଦକ
– କଂଗ୍ରେସ କର୍ମୀ ତଥା ସଂଗଠକ
– ପ୍ରଥମଥର ବିଧାନସଭା ପ୍ରାର୍ଥୀ

ବିଜେପି : ସାରଦା ପ୍ରଧାନ
– ୨୦୧୪ରେ ପରାଜିତ ( ସ୍ୱାଧୀନ ପ୍ରାର୍ଥୀ )
– ଗତ ନିର୍ବାଚନରେ ୬୧ ହଜାରରୁ ଅଧିକ ଭୋଟ୍ ପାଇ ଦ୍ୱିତୀୟ ସ୍ଥାନ
– ୨୦୧୮ରେ ବିଜେପିରେ ସାମିଲ

୨୦୧୪ର ଲଢେଇ
– ମୈଦାନରେ ଥିଲେ ମୋଟ ୧୦ ପ୍ରାର୍ଥୀ
– ମୋଟ ଭୋଟର ସଂଖ୍ୟା – ୨ ଲକ୍ଷ ୩୬ ହଜାର ୭୭୮
– ମତ ଦେଇଥିଲେ – ୧ ଲକ୍ଷ ୮୧ ହଜାର ୪୬୨
– ଭୋଟଦାନ ହାର – ୭୬.୬୪%

୨୦୧୪ର ଫଳାଫଳ
ପ୍ରାର୍ଥୀ                             ଦଳ         ଭୋଟ            ପ୍ରତିଶତ          ଫଳାଫଳ
ପ୍ରତାପ ଜେନା                ବିଜେଡି      ୮୯,୫୩୧        ୪୯.୩୪%        ବିଜୟୀ
ଶେକ୍ ମତଲୁବ ଅଲ୍ଲୀ       କଂଗ୍ରେସ    ୨୨,୨୯୭          ୧୨.୨୯%          ପରାସ୍ତ
ସମୀର କୁମାର ବିଶ୍ୱାଳ     ବିଜେପି     ୩,୫୭୨           ୧.୯୭%           ପରାସ୍ତ
ସାରଦା ପ୍ରସାଦ ପ୍ରଧାନ    ସ୍ୱାଧୀନ      ୬୧,୬୫୭        ୩୩.୯୮%        ପରାସ୍ତ

କିଏ ମାରିଥିଲା ବାଜି?
– ବିଜେଡ଼ିର ପ୍ରତାପ ଜେନା ନିର୍ବାଚନ ଜିତିଥିଲେ
– ୮୯ ହଜାର ୫୩୧ ଖଣ୍ଡ ଭୋଟ ପାଇଥିଲେ ବିଜେଡ଼ି ପ୍ରାର୍ଥୀ
– ସ୍ୱାଧୀନ ପ୍ରାର୍ଥୀ ସାରଦା ପ୍ରସାଦ ପ୍ରଧାନଙ୍କୁ ପରାସ୍ତ କରିଥିଲେ
– ୨୭ ହଜାର ୮୭୪ ଭୋଟ ବ୍ୟବଧାନରେ ବିଜୟୀ ହୋଇଥିଲେ
– ୭ ଜଣ ପ୍ରାର୍ଥୀ ଅମାନତ୍ ହରାଇଥିଲେ