କୁରୁକ୍ଷେତ୍ରର ନାଁ କେନ୍ଦ୍ରାପଡା । ଚାଲିଛି ହେଭିୱେଟ ଯୋଦ୍ଧାଙ୍କ ଲଢେଇ, ଏଥର କାହାକୁ ବାଛିବେ ଭୋଟର ।

126

କନକ ବ୍ୟୁରୋ : କେନ୍ଦ୍ରାପଡା ରାଜନୀତି, ବଢାଇଛି ତାତି । ବୈଶାଖର ଟାଣୁଆ ଖରା ଠାରୁ ମଧ୍ୟ ଅଧିକ ତାତି ବଢାଇଛି କେନ୍ଦ୍ରାପଡା ରାଜନୀତି । କେନ୍ଦ୍ରାପଡା କୁରୁକ୍ଷେତ୍ରରେ ବିଜୟ ହାସଲ କରିବାକୁ ଜି ଜାନ ଲଗାଇ ଦେଇଛନ୍ତି ୩ ଦଳ । ଅଣ କଂଗ୍ରେସ ଓ ଅଣବିଜେପି ଗଡ ରହି ଆସିଥିବା କେନ୍ଦ୍ରାପଡାରେ ଗତ ୫ଟି ନିର୍ବାଚନରେ ବିଜୟ ବାନା ଉଡାଇ ଆସୁଛି ବିଜେଡି । ଚଳିତଥର ରାଜ୍ୟ ରାଜନୀତିର ସବୁଠୁ ବଡ ଲଢେଇ ହେଉଛି କେନ୍ଦ୍ରାପଡାରେ । କେହି କାହାକୁ ସହଜରେ ବାଟ ଛାଡିବାକୁ ନାରାଜ । ଯାହା ନେତାଙ୍କ ପାଇଁ ଦ୍ୱନ୍ଦ ବଢାଉଥିବା ବେଳେ ଭୋଟରଙ୍କ ପାଇଁ ସସପେନ୍ସ ବଢାଇଛି । କେବଳ ପାଟକୁରାକୁ ଛାଡି ଦେଇ ଅନ୍ୟ ନିର୍ବାଚନମଣ୍ଡଳୀରେ ଭୋଟ ହେବାକୁ ଯାଉଥିବା ବେଳେ କିଏ ବାଜି ମାରିବ ତାହା ଉପରେ ସମସ୍ତଙ୍କର ନଜର ରହିଛି ।

ସାଲେପୁର, ମାହାଙ୍ଗା, ପାଟକୁରା, କେନ୍ଦ୍ରାପଡା, ଆଳି, ରାଜନଗର ଏବଂ ମହାକାଳପଡାକୁ ନେଇ କେନ୍ଦ୍ରାପଡା ଲୋକସଭା ନିର୍ବାଚନମଣ୍ଡଳୀ ଗଠିତ । ୨୦୧୪ ନିର୍ବାଚନରେ ମାହାଙ୍ଗା, ପାଟକୁରା, କେନ୍ଦ୍ରାପଡା ଏବଂ ମହାକାଳପଡା ଆସନକୁ ବିଜେଡି ଦଖଲ କରିଥିବା ବେଳେ ସାଲେପୁର, ଆଳି, ରାଜନଗର କଂଗ୍ରେସ ଦଖଲରେ ରହିଥିଲା । ଏହି ଆସନରୁ ପୂର୍ବ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକ ୩ଥର ସାଂସଦ ରହିଥିବା ବେଳେ ସୁରେନ୍ଦ୍ରନାଥ ଦ୍ୱିବେଦୀ ୩ଥର ସାଂସଦ ରହିଛନ୍ତି । ୨୦୧୯ରେ ଏହି ଆସନରେ ହେଉଥିବା ନିର୍ବାଚନ ଉପରେ ପୂରା ରାଜ୍ୟର ନଜର ଅଟକି ରହିଛି ।

୨୦୧୯ର ଲଢେଇ
ବିଜେଡି: ଅନୁଭବ ମହାନ୍ତି
କଂଗ୍ରେସ: ଧରଣୀଧର ନାୟକ
ବିଜେପି: ବୈଜୟନ୍ତ ପଣ୍ଡା

ବିଜେଡି : ଅନୁଭବ ମହାନ୍ତି
– ରାଜ୍ୟସଭା ସାଂସଦ
– ଓଲିଉଡ୍ ସୁପରଷ୍ଟାର
– ୨୭ ଏପ୍ରିଲ ୨୦୧୩ରେ ବିଜେଡିରେ ସାମିଲ
– ପ୍ରଥମଥର ପ୍ରତ୍ୟକ୍ଷ ନିର୍ବାଚନ ଲଢୁଛନ୍ତି

କଂଗ୍ରେସ: ଧରଣୀଧର ନାୟକ
– ଆଇନଜୀବୀରୁ ରାଜନୀତି
– ୨୦୧୪ରେ ପରାଜିତ ( ଦ୍ୱିତୀୟ ସ୍ଥାନ )
– କେନ୍ଦ୍ରାପଡା ରାଜକନିକା ବାସିନ୍ଦା
– ଦ୍ୱିତୀୟଥର ପାଇଁ କଂଗ୍ରେସର ଲୋକସଭା ପ୍ରାର୍ଥୀ

ବିଜେପି : ବୈଜୟନ୍ତ ପଣ୍ଡା
– ୪ଥର ସାଂସଦ ( ୨ଥର ଲୋକସଭା, ୨ଥର ରାଜ୍ୟସଭା ) ( ବିଜେଡି )
– ୨୦୦୯ ଏବଂ ୨୦୧୪ରେ କେନ୍ଦ୍ରାପଡା ସାଂସଦ ( ବିଜେଡି )
– ବିଜେପି ରାଷ୍ଟ୍ରୀୟ ଉପସଭାପତି
– ବିଜେପି ମୁଖପାତ୍ର
– ବିଜେଡିରୁ ବହିଷ୍କାର ପରେ ବିଜେପିରେ ସାମିଲ

୨୦୧୪ର ଲଢେଇ
– ମୈଦାନରେ ଥିଲେ ମୋଟ ୭ ପ୍ରାର୍ଥୀ
– ମୋଟ ଭୋଟର ସଂଖ୍ୟା – ୧୫ ଲକ୍ଷ ୩୧ ହଜାର ୨୮୬
– ମତ ଦେଇଥିଲେ – ୧୧ ଲକ୍ଷ ୩୭ ହଜାର ୬୦୭
– ଭୋଟଦାନ ହାର – ୭୩.୧%

୨୦୧୪ର ଫଳାଫଳ
ପ୍ରାର୍ଥୀ                                 ଦଳ                 ଭୋଟ               ପ୍ରତିଶତ         ଫଳାଫଳ
ବୈଜୟନ୍ତ ପଣ୍ଡା                   ବିଜେଡି          ୬,୦୧,୫୭୪          ୫୨.୭୨%         ବିଜୟୀ
ଧରଣୀଧର ନାୟକ              କଂଗ୍ରେସ         ୩,୯୨,୪୬୬         ୩୪.୪%         ପରାସ୍ତ
ବିଷ୍ଣୁପ୍ରସାଦ ଦାସ               ବିଜେପି          ୧,୧୮,୭୦୭           ୧୦.୪%           ପରାସ୍ତ

କିଏ ମାରିଥିଲା ବାଜି?
– ବିଜେଡିର ବୈଜୟନ୍ତ ପଣ୍ଡା ନିର୍ବାଚନ ଜିତିଥିଲେ
– ୬ ଲକ୍ଷ ୦୧ ହଜାର ୫୭୪ ଖଣ୍ଡ ଭୋଟ ପାଇଥିଲେ ବିଜେଡି ପ୍ରାର୍ଥୀ
– କଂଗ୍ରେସ ପ୍ରାର୍ଥୀ ଧରଣୀଧର ନାୟକଙ୍କୁ ପରାସ୍ତ କରିଥିଲେ
– ୨ ଲକ୍ଷ ୦୯ ହଜାର ୧୦୮ ଭୋଟ ବ୍ୟବଧାନରେ ବିଜୟୀ ହୋଇଥିଲେ
– ୪ ଜଣ ପ୍ରାର୍ଥୀ ଅମାନତ୍ ହରାଇଥିଲେ

Comments are closed.