ଚୀନ୍ ବୈଜ୍ଞାନିକଙ୍କ ଚାଞ୍ଚଲ୍ୟକର ବୟାନ! କହିଲେ, ପ୍ରତିବର୍ଷ ଫେରିବ କରୋନା ଭୂତାଣୁ, ସଂକ୍ରମଣକୁ କାବୁ କରିବା ହେବ ମୁସକିଲ୍ ।
କନକ ବ୍ୟୁରୋ: ମହାମାରୀ କରୋନା ଭୂତାଣୁର ଭୟାବହତା ଭିତରେ ଆଉ ଏକ ବଡ ଖବର ଆସିଛି । ବିଶେଷଜ୍ଞଙ୍କ ମତ ଅନୁଯାୟୀ ପ୍ରତିବର୍ଷ ଫେରିବ କରୋନା ଭୂତାଣୁ । ଚୀନର ପ୍ରମୁଖ ବୈଜ୍ଞାନିକଙ୍କ ଅନୁଯାୟୀ କରୋନା ଭୂତାଣୁ ସଂକ୍ରମଣକୁ ବ୍ୟାପକ କରିଥିବା ସାର୍ସ-ସିଓଭି-୨ ଅନ୍ୟ ଫ୍ଲୁ ଭୂତାଣୁ ପରି ଯାହାକୁ କାବୁ କରିହେବ ନାହିଁ । ତେବେ ବିଶ୍ୱ ସ୍ୱାସ୍ଥ୍ୟ ସଂଗଠନର ଆକଳନ ଅନୁସାରେ ପ୍ରତିବର୍ଷ ସମଗ୍ର ବିଶ୍ୱରେ ଫ୍ଲୁରେ ଆକ୍ରାନ୍ତ ହୋଇ ୩ ଲକ୍ଷରୁ ସାଢେ ୬ ଲକ୍ଷ ଲୋକଙ୍କ ମୃତ୍ୟୁ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଅର୍ନ୍ତଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ରିପୋର୍ଟ ଅନୁସାରେ ଚୀନର ପ୍ୟାଥୋଜେନ ବାୟୋଲୋଜି ସଂସ୍ଥାର ନିର୍ଦ୍ଦେଶକ ଜିନ୍ କ୍ୟୁ କହିଛନ୍ତି, କରୋନା ଏପରି ଏକ ଭୂତାଣୁ ଯାହା ଦୀର୍ଘ ସମୟ ଧରି ମଣିଷ ଶରୀରରେ ଉପସ୍ଥିତ ରହିପାରିବ । ଆମେରିକାର ଜାତୀୟ ସଂକ୍ରାମକ ରୋଗ ପ୍ରତିଷ୍ଠାନର ନିର୍ଦ୍ଦେଶକ ଏନ୍ଥନୀ ଫସିଙ୍କ ସମେତ କେତେକ ପ୍ରମୁଖ ବୈଜ୍ଞାନିକଙ୍କ ମତ ଅନୁସାରେ କରୋନା ଭୂତାଣୁ ଶୀତ ଦିନରେ ଅଧିକ ପ୍ରଭାବ ପକାଇବ ।
ପ୍ରତି ବର୍ଷ ଶୀତ ଦିନରେ ଏହି ଭୂତାଣୁ ସଂକ୍ରମଣ ଶୀର୍ଷରେ ପହଂଚିପାରେ ବୋଲି ଆକଳନ କରାଯାଉଛି । ଏପରି ସ୍ଥିତିରେ କେବଳ ଅପେକ୍ଷା ପ୍ରତିଷେଧକ ଟୀକାକୁ । ଯାହା ଦ୍ୱାରା ରୋଗ ପ୍ରତିରୋଧକ ଶକ୍ତି ବଢିବା ସହ ଏହି ସଂକ୍ରମଣ ରୋଗକୁ ନିୟନ୍ତ୍ରଣ କରାଯାଇପାରିବ ।
କରୋନା ଭୂତାଣୁ ପ୍ରତିବର୍ଷ ସାରା ବିଶ୍ୱକୁ ସଂକ୍ରମିତ କରିପାରେ । ଏହି ପ୍ରସଙ୍ଗରେ ଭାରତୀୟ ବୈଜ୍ଞାନିକ ମଧ୍ୟ ସହମତି ପ୍ରକାଶ କରିଛନ୍ତି । ଭାରତୀୟ ଜନସ୍ୱାସ୍ଥ୍ୟ ସଂସ୍ଥାନର ନିର୍ଦ୍ଦେଶକ ଦିଲ୍ଲୀପ ମାଭଲାଙ୍କରଙ୍କ ଅନୁଯାୟୀ ଏହି ଭୂତାଣୁ ଆମ ଆଖପାଖରେ ଉପସ୍ଥିତ ରହିବ । ଏହା ଖୁବ୍ ଶୀଘ୍ର ବ୍ୟାପୁଥିବା ବେଳେ କେତେକ ଲୋକଙ୍କ ଦେହରେ ସଂକ୍ରମଣ କମ୍ ଥିଲେ ମଧ୍ୟ ସେମାନେ ଆହୁରୀ ଅଧିକ ଲୋକଙ୍କୁ ସଂକ୍ରମିତ କରିବେ । ସଂକ୍ରମଣକୁ ନିୟନ୍ତ୍ରଣ କରିବା କଷ୍ଟକର । ତେବେ ଏଥିପାଇଁ ସମସ୍ତଙ୍କୁ ସାବଧାନତା ଅବଲମ୍ବନ କରିବାକୁ ପଡିବ ।
ଉଷ୍ମ ଜଳବାୟୁରେ କରୋନା ଭୂତାଣୁର ସଂକ୍ରମଣ ସମ୍ଭାବାନ ମଧ୍ୟ କମ୍ ରହିଛି । କିନ୍ତୁ ତାପାମତ୍ରା ୫୬ ଡିଗ୍ରୀ ସେଲସିୟସ ଯାଏଁ ପ୍ରାୟ ୩୦ ମିନିଟ ଧରି ରହିଲେ, କରୋନା ଭୂତାଣୁର ସଂକ୍ରମଣ କମିଯାଇପାରେ । ହେଲେ ଅଧଘଂଟା ଧରି ଏଭଳି ତପମାତ୍ରା ସ୍ଥିର ରହିବା ସମ୍ଭାବନା ମଧ୍ୟ କ୍ଷୀଣ ।