ଦେଶରେ ହଜାରେ ଧନୀଙ୍କ ହଜାର କୋଟି ସମ୍ପତ୍ତି: ଜାଣନ୍ତୁ କିଏ ଅଛନ୍ତି ଏହି ଲିଷ୍ଟରେ
କନକ ବ୍ୟୁରୋ: ଆମ ଦେଶରେ ଧନୀ କହିଲେ ଆମ ମନରେ ଆସେ ଅମ୍ବାନୀ-ଅଦାନୀଙ୍କ କଥା । ହେଲେ ଏମାନଙ୍କ ବ୍ୟତୀତ ଆହୁରି ଅନେକ ଧନୀ ରହିଛନ୍ତି ଯାହାଙ୍କ ସମ୍ପତ୍ତି ହଜାର କୋଟି ଟଙ୍କା । ଏହି ଲିଷ୍ଟରେ ଜଣେ କି ଦି ଜଣ ନୁହେଁ ହଜାରରୁ ଅଧିକ ଲୋକ ରହିଛନ୍ତି । ଆଇଆଇଏଫଏଲ ୱେଲଥ ହୁରୁନ ଇଣ୍ଡିଆର ଏକ ରିପୋର୍ଟରେ ଏହା ପ୍ରକାଶ ପାଇଛି । ପ୍ରାୟ ୧୧୯ ସହରରେ ୧୦୦୭ ଜଣ ବ୍ୟକ୍ତିଙ୍କ ୧ ହଜାର କୋଟିର ସମ୍ପତ୍ତି ରହିଛି ।
Kanak News is now on WhatsApp
Join and get latest news updates delivered to you via WhatsApp
ମୁକେଶ ଅମ୍ବାନୀ
ରିଲାଏନ୍ସ କମ୍ପାନୀର ମାଲିକ ମୁକେଶ ଅମ୍ବାନୀ ୭,୧୮,୦୦୦ କୋଟି ଟଙ୍କାର ସମ୍ପତ୍ତି ସହ ଲଗାତାର ୧୦ ବର୍ଷ ହୋଇଯିବ ଶୀର୍ଷରେ ରହିଆସୁଛନ୍ତି । ଗତ ବର୍ଷ ବ୍ୟତୀତ ଏଥର ତାଙ୍କ ସମ୍ପତ୍ତି ୧୦ ପ୍ରତିଶତ ବୃଦ୍ଧି ପାଇଛି । ମୁକେଶ ଅମ୍ବାନୀ କେବଳ ଭାରତ ନୁହେଁ ଏସିଆର ମଧ୍ୟ ଜଣେ ଶ୍ରେଷ୍ଠ ଧନୀ ।
ଗୌତମ ଅଦାନୀ
ଅଦାନୀ ଗ୍ରୁପର ମାଲିକ ଗୌତମ ଅଦାନୀ । ଗତ ୧ ବର୍ଷ ମଧ୍ୟରେ ୧ ହଜାର କୋଟି ଟଙ୍କା ପ୍ରତିଦିନ ହିସାବରେ ଅଦାନୀଙ୍କ ସମ୍ପତ୍ତି ୩,୬୫, ୭୦୦ କୋଟିକୁ ବଢିଛି । ସେହିପରି ଅଦାନୀ ପରିବାରର ସମ୍ପତ୍ତି ୧, ୪୦, ୨୦୦ କୋଟି ଟଙ୍କାରୁ ବଢିକି ୫, ୦୫, ୯୦୦ କୋଟି ଟଙ୍କାରେ ପହଞ୍ଚିଛି । ଏହାସହ ଅଦାନୀ ଏସିଆର ଦ୍ୱିତୀୟ ଧନୀ ବ୍ୟକ୍ତି ହୋଇଛନ୍ତି ।
ଲକ୍ଷ୍ମୀ ମିତ୍ତଲ
ଏହି ଲିଷ୍ଟରେ ଲକ୍ଷ୍ମୀ ମିତ୍ତଲ ପଞ୍ଚମ ସ୍ଥାନରେ ରହିଛନ୍ତି । ମିତ୍ତଲ ଓ ତାଙ୍କ ପରିବାରର ସମ୍ପତ୍ତି ୧ ବର୍ଷରେ ୧୮୭ ପ୍ରତିଶତ ବଢିଛି । ବର୍ତ୍ତମାନ ତାଙ୍କ ସମ୍ପତ୍ତି ୧, ୭୪,୪୦୦ କୋଟି ଟଙ୍କା ରହିଛି । ୧ ବର୍ଷରେ ସେ ପ୍ରତିଦିନ ୩୧୨ କୋଟି ଟଙ୍କା ଆୟ କରିଛନ୍ତି । ସେ ପ୍ରଥମ ଥର ଏହି ଲିଷ୍ଟରେ ଟପ ୧୦ରେ ରହିଛନ୍ତି ।
ସାଇରସ ପୁନାୱାଲ
ସାଇରସ ପୁନାୱାଲ ଏହି ଲିଷ୍ଟରେ ଷଷ୍ଠ ସ୍ଥାନରେ ରହିଛନ୍ତି । ସିରମ ଇନଷ୍ଟିଚ୍ୟୁଟର ମାଲିକ ସାଇରସ ପୁନାୱାଲା ଓ ତାଙ୍କ ପରିବାରର ସମ୍ପତ୍ତି ଗତ ୧ ବର୍ଷ ମଧ୍ୟରେ ପ୍ରତିଦିନ ୧୯୦ କୋଟି ଟଙ୍କା ଆୟ କରିଛି । ଏହାରି ମଧ୍ୟରେ ତାଙ୍କ ସମ୍ପତ୍ତି ୭୪ ପ୍ରତିଶତ ବଢି ୧, ୬୩, ୭୦୦ କୋଟି ଟଙ୍କାରେ ପହଞ୍ଚିଛି । କରୋନା ମହାମାରୀ ସମୟରେ ତାଙ୍କ କମ୍ପାନୀ ଭ୍ୟାକ୍ସିନ ନିର୍ମାଣ କରୁଛି । ଯେଉଁଥିପାଇଁ ଏଥିରେ ତାଙ୍କର ନେଟ ୱର୍ଥ ବୃଦ୍ଧି ପାଇଛି ।
ବାୟଜୁ ରବିନ୍ଦ୍ରନ
ବାୟଜୁର ଲର୍ଣ୍ଣିଂ ଆପକୁ ଚଲାଉଥିବା ବାୟଜୁ ରବିଚନ୍ଦ୍ରନଙ୍କ ନାଁ ମଧ୍ୟ ଏହି ଲିଷ୍ଟରେ ସାମିଲ ହୋଇଛି । ସେ ୨୪, ୩୦୦ କୋଟି ଟଙ୍କାର ସମ୍ପତ୍ତି ସହ ଏହି ଲିଷ୍ଟରେ ୬୭ ତମ ସ୍ଥାନରେ ରହିଛନ୍ତି । ଗତ ବର୍ଷଠାରୁ ତାଙ୍କ କମ୍ପାନୀର ୧୯ ପ୍ରତିଶତ ବୃଦ୍ଧି ଘଟିଛି ।
ପୂରା ଲିଷ୍ଟ ଦେଖିବା ପାଇଁ ଏହି ଲିଙ୍କରେ କ୍ଲିକ କରନ୍ତୁ https://iiflwealth.com/sites/default/files/inline-files/IIFL%20Wealth%20Hurun%20India%20Rich%20List%202021.pdf