କନକ ବ୍ୟୁରୋ: ରାତି ପାହିଲେ ବଡଭାଇ ଓ ଉଉଣୀଙ୍କ ସହ ବଡଦାଣ୍ଡକୁ ଓହ୍ଲାଇଆସିବେ ବଡଠାକୁର । ଏଥିପାଇଁ ଚଳଚଂଚଳ ହୋଇଛି ପୁରୀ । ରଥ ଓ ପଥ ପ୍ର୍ସ୍ତୁତ ହୋଇ ରହିଛି । କାଲି ରଥ ଉପରେ ତିନିଠାକୁରଙ୍କ ଦର୍ଶନ ପାଇଁ ଲକ୍ଷାଧିକ ଭକ୍ତଙ୍କ ସମାଗମ ହେବ । ଏହାକୁ ଦୃଷ୍ଟିରେ ରଖି ଟ୍ରାଫିକ କଟକଣା ଜାରି କରାଯାଇଛି ।
ଭୁବନେଶ୍ୱରରୁ ଆସୁଥିବା ପାସେଞ୍ଜର ବସ୍
ଆଜି ମଧ୍ୟରାତ୍ରିରୁ ପୁରୀରୁ ଆସୁଥିବା ବସ, କ୍ୟାଂଟର, ମୋ ବସ ଓ ରାଜ୍ୟପରବିହନ ନିଗମର ବସ ପୁରୀ ବସଷ୍ଟାଣ୍ଡକୁ ଯିବାକୁ ଅନୁମତି ଦିଆଯିବ ନାହିଁ । ଏହିଗାଡିଗୁଡିକ ମାଳତୀପାଟପୁର ଓଭରବ୍ରିଜ, ତୋଷାଳୀ ସ୍ୟାଣ୍ଡ, ଗ୍ରୀଡ ଷ୍ଟେସନ ଛକ ଓ ଭୁଦାନ ଛକ ଦେଇ ତାଳବଣିଆ ଅସ୍ଥାୟୀ ବସଷ୍ଟାଣ୍ଡରେ ରହିବ ।
-ସେହିଭଳି ଫେରିବାବେଳେକୁ ସେଂଟ୍ରଲ ସ୍କୁଲ ଛକ, ଭୁବନ ଛକ, ଗ୍ରୀଡ ଷ୍ଟେସନ ଛକ , ବାଲିଘାଟ, ଗୋପାଳପୁର , ବୀରହରେକୃଷ୍ଣପୁର ବଜାର ଓ ବାଟଗାଁ ଦେଇ ଜାତୀୟ ରାଜପଥକୁ ବାହାରିବ
ବ୍ରହ୍ମଗିରି ପଟୁ ଆସୁଥିବା ବସ୍
ବ୍ରହ୍ମଗିରିରୁ ଆସୁଥିବା ପାସେଞ୍ଜର ବସ ଗୁଡିକ ମଙ୍ଗଳହାଟ ଦେଇ ଫ୍ଲୋରିସ ଇଣ୍ଡିଆରେ ପାର୍କିଂ କରିବ । ଆଉ ସେହି ରୁଟ ଦେଇ ବ୍ରହ୍ମଗିରି ଫେରିବ ।
କୋଣାର୍କ ପଟୁ ଆସୁଥିବା ବସ
କୋଣାର୍କ ପଟୁ ଆସୁଥିବା ଗାଡି ଗୁଡିକ ଗ୍ରୀଡ ଷ୍ଟେସନ ଦେଇ ତାଳବଣିଆ ପାର୍କି ସ୍ଥାନକୁ ଯିବ । ସେହିଭଳି ସେଂଟ୍ରାଲ ସ୍କୁଲ, ଭୁଦାନ, ଗ୍ରୀଡ ଷ୍ଟେସନ ଓ ବାଇଦାସ ନଗର ଛକ ଦେଇ ପ୍ରତ୍ୟାବର୍ତନ କରିବ
ଦୁଇଚକିଆ ଯାନ
ଭୁବନେଶ୍ୱରରୁ ଆସୁଥିବା ଦୁଇଚକିଆ ଯାନ ବାଟଗାଁରୁ ପୁରୀ ବାଇପାସ ଦେଇ ଜଗନ୍ନାଥ ବଲ୍ଲଭ ପାର୍କିଂ ସ୍ଥାନ, ମାଟିତୋଟା ପାର୍କିଂ ସ୍ଥାନ ଓ ମାଶାଣିଚଣ୍ଡୀରେ ପାର୍କିଂ କରିବେ
ଜଗନ୍ନାଥବଲ୍ଲଭ ଓ ମଶାଣିଚଣ୍ଡୀରେ ଥିବା ଦୁଇଚକିଆ ଯାନ କୁମ୍ଭାରପଡା ଥାନା, ଅଠରନଳା, ବାଟମଙ୍ଗଳା ଓ ହରେକୃଷ୍ଣପୁର ଦେଇ ଦେଇ ଏନଏଚ-୩୧୬ରେ ବାହାରିବ
ବ୍ରହ୍ମଗିରି ପଟୁ ଆସୁଥିବା ଦୁଇଚକିଆ ଯାନ ଜଗନ୍ନାଥ ବଲ୍ଲଭ ଓ ମଶାଣିଚଣ୍ଡୀ ପାର୍କିଂ ସ୍ଥାନରେ ରହିବ ଓ ସେହିପଟେ ହିଁ ଫେରିବ
କୋଣାର୍କରୁ ଆସୁଥିବା ଦୁଇଚକିଆ ଯାନ ଗ୍ରୀଡ ଷ୍ଟେସନ , ସିଟି ରୋଡ ଦେଇ ବ୍ଲୁ ଫାଗ ବିଚରେ ପାର୍କିଂ କରିବେ । ଏଠାରେ ସ୍ଥାନ ନ ମିଳିଲେ ହୋଟେଲ ନୀଳାଚଳ ଅଶୋକର ପାର୍କିଂ ସ୍ଥାନରେ ପାର୍କିଂ କରିବେ । ଆଉ ସେହି ରୁଟରେ ପ୍ରତ୍ୟାବର୍ତନ କରିବେ ।
ଆଜି ମଧ୍ୟରାତ୍ରିରୁ ଏହି ସବୁ କଟକଣା ଲାଗିହେବ । ରାତି ପାହିଲେ ରଥଯାତ୍ରା ଥିବାରୁ ପୁରୀରେ ଭକ୍ତଙ୍କ ଗହଳି ବଢିବାରେ ଲାଗିଛି ।