ଆସନ୍ତାକାଲି ଓଡ଼ିଶା ଆସିବେ ମୋଦି । ଆକାଶମାର୍ଗରୁ ଅମ୍ଫାନ ପ୍ରଭାବିତ ଅଞ୍ଚଳ ବୁଲିବେ, ସରକାରଙ୍କ ସହ ସ୍ଥିତି ସମୀକ୍ଷା କରିବେ ।
କନକ ବ୍ୟୁରୋ: ଆସନ୍ତାକାଲି କ୍ଷୟକ୍ଷତିର ଆକଳନ କରିବାକୁ ଓଡିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସ୍ପଷ୍ଟ କରାଯାଇଛି । ପ୍ରଧାନମନ୍ତ୍ରୀ ଓଡିଶା ଓ ପଶ୍ଚିମବଙ୍ଗର ବାତ୍ୟା ପ୍ରଭାବିତ ଅଂଚଳର ଆକାଶମାର୍ଗରୁ ପରିଦର୍ଶନ କରିବେ ।
Kanak News is now on WhatsApp
Join and get latest news updates delivered to you via WhatsApp
ଅମ୍ଫାନ ଓଡିଶାରେ କେତେ କ୍ଷୟକ୍ଷତି କରିଛି ସେ ନେଇ ନିଜେ ଅନୁଧ୍ୟାନ ପାଇଁ ଆକାଶମାର୍ଗରୁ ବୁଲି ଦେଖିବେ ପ୍ରଧାନମନ୍ତ୍ରୀ । ଓଡିଶାର ୪ଟି ଜିିଲ୍ଲାରେ ବ୍ୟାପକ କ୍ଷତି କରିଛି ଅମ୍ଫାନ । ସେହିପରି ପଶ୍ଚିମବଙ୍ଗରେ ବାତ୍ୟା ୭୨ ଜଣଙ୍କ ଜୀବନ ନେଇଥିବାବେଳେ କୋଲକାତା, ହ୍ୱାଓଡା ଓ ହୁଗୁଳିରେ ବ୍ୟାପକ କ୍ଷତିଗ୍ରସ୍ତ ହୋଇଛି । ପ୍ରଧାନମନ୍ତ୍ରୀ ବାତ୍ୟାଂଚଳ ପରିଦର୍ଶନ କରିବା ପରେ ଅପରାହ୍ନ ୨ଟାରେ ଭୁବନେଶ୍ୱରରେ ବାତ୍ୟା ସ୍ଥିତି ନେଇ ସମୀକ୍ଷା କରିବାର କାର୍ଯ୍ୟକ୍ରମ ରହିଛି ।
ସେପଟେ ପ୍ରଧାନମନ୍ତ୍ରୀଙ୍କ ଗସ୍ତ ପାଇଁ ଭୁବନେଶ୍ୱର ବିମାନବନ୍ଦରରେ ସୁରକ୍ଷା ବୈଠକ ହୋଇଛି । ଗୁଇନ୍ଦା ନିର୍ଦ୍ଦେଶକ , ପୋଲିସ କମିଶନର , କ୍ରାଇମବ୍ରାଂଚ ଏଡିଜି ଓ ରାଜ୍ୟ ପୋଲିସର ବହୁ ଅଧିକାରୀ ପ୍ରଧାନମନ୍ତ୍ରୀ ଗସ୍ତ ପାଇଁ ସୁରକ୍ଷା ବ୍ୟବସ୍ଥାର ଯାଂଚ କରିଛନ୍ତି । ତେବେ ବାତ୍ୟା ଚାଲିଗଲା ପରେ ଚାଲିଛି କ୍ଷୟକ୍ଷତିର ଆକଳନ । ଆଜି ମୁଖ୍ୟମନ୍ତ୍ରୀ ବାତ୍ୟାଂଚଳରେ ବୁଲି କ୍ଷୟକ୍ଷତିର ଆକଳନ କରିବା ପରେ ଆସନ୍ତାକାଲି ପ୍ରଧାନମନ୍ତ୍ରୀ ମୋଦି ଆସିବେ ।