କନକ ବ୍ୟୁରୋ : ଆସନ୍ତା କାଲି Odisha Joint Entrance Examination (ଓଜେଇଇ) ପରୀକ୍ଷା । ରାଜ୍ୟର ପାଖାପାଖି ୮୧ କେନ୍ଦ୍ରରେ ପରୀକ୍ଷା ଦେବେ ୪୮ ହଜାର ୩୧୭ ଜଣ ପରୀକ୍ଷାର୍ଥୀ । ତେବେ ଏହି ଓଜେଇ ପରୀକ୍ଷା କୁ ଦୁଇଟି ପର୍ଯ୍ୟାୟରେ କରିବା ପାଇଁ ଓଜେଇଇ କର୍ତ୍ତୁପକ୍ଷ ଧାର୍ଯ୍ୟ କରିଛନ୍ତି । ପ୍ରଥମ ପର୍ଯ୍ୟାୟରେ ଆସନ୍ତା କାଲି ସକାଳ ୯ଟାରୁ ୧୨ଟା ଯାଏଁ ପରୀକ୍ଷା ହେବାକୁ ଥିବାବେଳେ ଦ୍ୱିତୀୟ ପର୍ଯ୍ୟାୟରେ ୨ଟାରୁ ୪ଟା ପର୍ଯ୍ୟନ୍ତ ପରୀକ୍ଷାଦେବେ ଛାତ୍ରଛାତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଜୁନ୍ ପ୍ରଥମ ସପ୍ତାହ ସୁଦ୍ଧା ଓଜେଇଇ ରେଜଲ୍ଟ ପ୍ରକାଶ କରିବା ପାଇଁ ଲକ୍ଷ୍ୟ ରଖାଯାଇଥିବାବେଳେ ଜୁନ୍ ଶେଷ ସପ୍ତାହରେ କାଉନସେଲିଂ ପ୍ରକ୍ରିୟା ଆରମ୍ଭ କରାଯିବ ବୋଲି ଓଜେଇଇ ଭାରପ୍ରାପ୍ତ ଅଧ୍ୟକ୍ଷ ମନୀଷ ତ୍ରିପାଠୀ ସୁଚନା ଦେଇଛନ୍ତି । ଆସନ୍ତାକାଲି ଭୁବନେଶ୍ୱର, ରାଉରକେଲା, ବ୍ରହ୍ମପୁର, କଟକ, ଅନୁଗୁଳ ,ବଲାଙ୍ଗୀର ଭଳି ୨୦ଟି ସହରର ୮୧ଟି କେନ୍ଦ୍ରରେ ଶାନ୍ତି ଶୃଙ୍ଖଳା ସହ ପରୀକ୍ଷା କରିବା ପାଇଁ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯାଇଥିବା ସୁଚନା । ଗତବର୍ଷ ୫୨ହଜାର ୫୬୦ଜଣ ଛାତ୍ରଛାତ୍ରୀ ଓଜେଇଇ ପରୀକ୍ଷା ଦେଇଥିଲେ ।