ଆସନ୍ତାକାଲି ଦିଲ୍ଲୀର ମୁଖ୍ୟମନ୍ତ୍ରୀ ଭାବେ ଶପଥ ନେବେ ଆପ୍ ନେତା ଅରବିନ୍ଦ କେଜରିୱାଲ । ମୁଖ୍ୟମନ୍ତ୍ରୀଙ୍କ ସହ ୬ ଜଣ ମନ୍ତ୍ରୀ ନେବେ ଶପଥ
କନକ ବ୍ୟୁରୋ : ଆସନ୍ତାକାଲି ତୃତୀୟ ଥର ପାଇଁ ଦିଲ୍ଲୀର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ ଆପ୍ ନେତା ଅରବିନ୍ଦ କେଜରିୱାଲ୍ । ରାଷ୍ଟ୍ରପତି ତାଙ୍କୁ ଦିଲ୍ଲୀ ମୁଖ୍ୟମନ୍ତ୍ରୀ ଭାବେ ନିଯୁକ୍ତ କରିଥିବା ନେଇ ଅଧିସୂଚନା ଜାରି କରିଛନ୍ତି । ଏହା ସହ ଅନ୍ୟ ୬ ଜଣ ନେତା ତାଙ୍କ ମନ୍ତ୍ରୀ କରିବାନେଇ ମଧ୍ୟ ଅଧିସୂଚନା ଜାରିହୋଇଛି । ସେମାନେ ହେଲେ ମନୀଷ ସିସୋଦିଆ, ସତ୍ୟେନ୍ଦ୍ର ଜୈନ, ଗୋପାଳ ରାୟ, କୈଳାଶ ଗହଲୋଟ, ଇମରାନ୍ ହୁସୈନ ଓ ରାଜେନ୍ଦ୍ର ଗୌତମ ।
Kanak News is now on WhatsApp
Join and get latest news updates delivered to you via WhatsApp
ସଦ୍ୟ ସେଷ ହୋଇଥିବା ଦିଲ୍ଲୀ ବିଧାନସଭା ନିର୍ବାଚନରେ ପୁଣି ଥରେ ଆମ ଆଦମୀ ପାର୍ଟି ଏକ ବଡ ବିଜୟ ହାସଲ କରିଛି । ମୋଟ ୭୦ ଆସନରୁ ୬୨ରେ ଆପ୍ ଜିତିଥିବା ବେଳେ ବିଜେପି ଖାତାକୁ ଯାଇଛି ୮ଟି ଆସନ । ତେବେ କ୍ରମାଗତ ଦ୍ୱିତୀୟ ଥରପାଇଁ କଂଗ୍ରେସ ଦିଲ୍ଲୀରେ ଖାତା ଖୋଲିପାରି ନାହିଁ ।