ଟ୍ରାଫିକ୍ ପାଇଁ ରାଜ୍ୟ ସରକାର ଜାରି କଲେ ଟୋଲ୍ ଫ୍ରି ନମ୍ବର । ସମସ୍ତ ଆରଟିଓରେ ଖୋଲିଲା ହେଲ୍ପ ଡେସ୍କ, ଲୋକଙ୍କ ସମସ୍ୟାର ଶୀଘ୍ର ହେବ ସମାଧାନ ।
କନକ ବ୍ୟୁରୋ : ମୋଟର ଯାନ ଆଇନରେ ସହାୟତା ପାଇଁ ଖୋଲିଲା ହେଲ୍ପ ଡେସ୍କ । ହେଲ୍ପ ଡେସ୍କର ଟୋଲ୍ ଫ୍ରି ନମ୍ବର ଜାରି କଲେ ରାଜ୍ୟ ସରକାର । ନୂଆ ଟ୍ରାଫିକ୍ ନିୟମ ଲାଗୁ ହେବା ପରେ ଆଜି ରାଜଧାନୀର ରାଜମହଲ ରଣକ୍ଷେତ୍ରରେ ପରିଣତ ହୋଇଥିଲା । ପୋଲିସ ଏବଂ ପବ୍ଲିକ ମଧ୍ୟରେ ଧସ୍ତାଧସ୍ତି ହେବା ସହ ଲାଠି ଚାଳନା କରିଥିଲା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହି ଘଟଣା ପରେ ଟ୍ରାଫିକ ନିୟମ ନେଇ ଲୋକଙ୍କ ସମସ୍ୟାର ସମାଧାନ ପାଇଁ ଆଜି ହେଲ୍ପ ଡେସ୍କ ଖୋଲିଛନ୍ତି ରାଜ୍ୟ ସରକାର । ଆଉ ଏନେଇ ଜାରି କରାଯାଇଛି ଟୋଲ୍ ଫ୍ରି ନମ୍ବର । ଟୋଲ୍ ଫ୍ରି ନମ୍ବରଟି ହେଉଛି ୧୮୦୦-୩୪୫-୧୦୭୩ । ରାଜ୍ୟର ସମସ୍ତ ଆରଟିଓରେ ଖୋଲିବ ହେଲ୍ପ ଡେସ୍କ । ବିଶେଷ କରି ଲୋକଙ୍କ ସମସ୍ୟାର ସମାଧାନ ପାଇଁ ସହାୟତା କରିବ ହେଲ୍ପ ଡେସ୍କ । ସକାଳ ୮ଟାରୁ ରାତି ୧୦ଟା ଯାଏଁ ଏହି ସହାୟତା କେନ୍ଦ୍ର ଖୋଲାରହିବ ।