ପାରା ଅଲିମ୍ପିକ୍ସରେ ଭାରତକୁ ସ୍ୱର୍ଣ୍ଣ । ସୁଟିଂରେ ବାଜି ମାରିଲେ ୧୯ ବର୍ଷିୟା ଅବନୀ ଲେଖରା
କନକ ବ୍ୟୁରୋ: ଭାରତ ପାଇଁ ଖୁସି ଖବର । ପାରା ଅଲିମ୍ପିକ୍ସରେ ଦେଶ ପାଇଁ ସୁନାର ପଦକ ଆଣିଛନ୍ତି ମହିଳା ସୁଟର ଅବନୀ ଲେଖରା । ୧୯ ବର୍ଷିୟା ଅବନୀ ୧୦ ମିଟର ଏୟାର ରାଇଫଲର କ୍ଲାସ୍ ଏସଏଚ୍ ୧ରେ ପ୍ରଥମ ସ୍ଥାନ ଅଧିକାର କରିଛନ୍ତି । ୨୪୯.୬ ସ୍କୋର କରି ସେ ପ୍ରଥମ ହୋଇଥିଲେ । 
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କ୍ୱାଲିଫାଇଙ୍ଗ୍ ରାଉଣ୍ଡରେ ଅବନୀ ୨୧ ଜଣଙ୍କ ମଧ୍ୟରେ ସପ୍ତମ ସ୍ଥାନରେ ରହି ଫାଇନାଲ ରାଉଣ୍ଡକୁ ପ୍ରବେଶ କରିଥିଲେ । ସେ ୬୦ଟି ସିରିଜର ୬ଟି ସଟ୍ ପରେ ୬୨୧.୭ ସ୍କୋର ଶ୍ରେଷ୍ଠ ୮ଜଣ ସୁଟରଙ୍କ ମଧ୍ୟରେ ନିଜର ସ୍ଥାନ ବଜାୟ ରଖିବାକୁ ଯଥେଷ୍ଟ ଥିଲା । ଖେଳ ମହାକୁମ୍ଭରେ ପ୍ରଥମ ଥର ପାଇଁ ଭାଗ ନେଇଥିଲେ ଅବନୀ । ତାଙ୍କର ଏପରି ସଫଳତାରେ ଚାରିଆଡୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଭବି୍େୟତରେ ଦେଶକୁ ଆହୁରି ମେଡାଲ ଭେଟିଦେବାକୁ ଇଚ୍ଛା ରଖିଥିବା କହିଛନ୍ତି ଅବନୀ ।
ଏହା ପୂର୍ବରୁ ଦୁଇଟି ରୌପ୍ୟ ପଦକ ଓ ଗୋଟିଏ ବ୍ରୋଞ୍ଜ ପଦକ ଆଜି ଭାରତ ଖାତାରେ ସାମିଲ ହୋଇଛି । ଟେବୁଲ ଟେନିସରେ ଭାବିନାଙ୍କୁ ରୌପ୍ୟ ପଦକ, ପୁରୁଷ ବିଭାଗ ହାଇ ଜମ୍ପରେ ଭାରତର ନିଶାଦ କୁମାରଙ୍କୁ ରୌପ୍ୟ ଓ ଡିସ୍କସ ଥ୍ରୋରେ ବିନୋଦ କୁମାରଙ୍କୁ କାଂସ୍ୟ ପଦକ ମିଳିଛି ।