ଭାରଉତ୍ତୋଳନରେ ସ୍ୱର୍ଣ୍ଣ ଜିତିଥିବା ଚୀନର ହୋଓ ଜିହୋଇଙ୍କ ଉପରେ ଡୋପିଂ ସନ୍ଦେହ । ନମୂନା ‘ଏ’ ପରୀକ୍ଷଣରେ ସନ୍ଦେହ ପରେ ‘ବି’ ପାଇଁ ନୋଟିସ
କନକ ବ୍ୟୁରୋ : ଟୋକିଓ ଅଲମ୍ପିକରୁ ଏବେ ଏକ ବଡ ଖବର ସାମ୍ନାକୁ ଆସିଛି । ଏହି ଖବର ଯଦି ଶତ ହେବ ତେବେ ଭାରଉତ୍ତୋଳନରେ ଭାରତୀୟ ଆଥଲେଟ ମୀରାବାଇ ଚାନୁ ଜିତିଥିବା ରୋପ୍ୟ ପଦକ ସ୍ୱର୍ଣ୍ଣରେ ବଦଳି ଯାଇପାରେ । ସୂଚନା ମୁତାବକ ଭାରଉତ୍ତୋଳନରେରେ ପ୍ରଥମ ହୋଇଥିବା ଚୀନର ହୋଓ ଜିହୋଇ ଉପରେ ଡୋପିଙ୍ଗ ସନ୍ଦେହ ହୋଇଛି । ଆଣ୍ଟି ଡୋପିଂ ଏଜେନ୍ସି ନମୂନା ‘ବି’ ପରୀକ୍ଷଣ ପାଇଁ ତାଙ୍କୁ ନୋଟିସ ଜାରି କରିଛି । ଅନୁମାନ କରାଯାଉଛି କି ତାଙ୍କ ନମୂନା ‘ଏ’ ପରୀକ୍ଷଣରେ ଡୋପିଂ ଟେଷ୍ଟ ଅଧିକାରୀ ସନ୍ଦେହ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସ୍ୱର୍ଣ୍ଣ ପଦକ ଜିତିବା ପରେ ଚୀନ ଆଥଲେଟ ହୋଓ ଜିହୋଇ ଆଜି ତାଙ୍କ ଦେଶକୁ ଫେରିଯିବାର ଥିଲା । ହେଲେ ତାଙ୍କୁ ଟୋକିଓରେ ରହିବାକୁ ନିର୍ଦ୍ଦେଶ ଦିଆଯାଇଛି । କୌଣସି ସମୟରେ ତାଙ୍କର ଡୋପ ଟେଷ୍ଟ ହୋଇପାରେ ବୋଲି ଆଶା କରାଯାଉଛି । କହିରଖୁ କି ଅଲମ୍ପିକରେ ଏଭଳି ବି ଆଗରୁ ହୋଇଛି । ଡୋପଟେଷ୍ଟରେ ଅସଫଳ ହେବା ପରେ ଖେଳାଳୀଙ୍କ ଠାରୁ ପଦକୁ ଫେରାଇ ଅଣାଯାଇ ଦ୍ୱିତୀୟ ସ୍ଥାନରେ ଥିବା ଖେଳାଳୀଙ୍କୁ ପ୍ରଦାନ କରାଯାଇଛି ।
ଏଭଳି ଖବର ପ୍ରଚାରିତ ହେବା ପରେ ଭାରଉତ୍ତୋଳନ ଫେଡେରେସନ ଅଫ୍ ଇଣ୍ଡିଆର ଜଣେ ଅଧିକାରୀ କହିଛନ୍ତି କି ତାଙ୍କୁ ଏନେଇ କୌଣସି ସୂଚନା ମିଳିନାହିଁ । ଯଦି ଡୋପ ଟେଷ୍ଟରେ ଚୀନ ଖେଳାଳୀ ଅସଫଳ ହୁଅନ୍ତି ତେବେ ତେବେ ଆଇଓସି ଓ ଟୋକିଓ ଅଲମ୍ପିକ ଆୟୋଜନ କମିଟି ତରଫରୁ ଘୋଷଣା କରାଯିବ ।
ସୂଚନା ଥାଉକି ଅଲମ୍ପିକରେ ମୀରାବାଇ ଚାନୁ ପ୍ରଥମ ଭାରତୀୟ ଭାବେ ବର୍ତମାନ ପର୍ଯ୍ୟନ୍ତ ଏକମାତ୍ର ପଦକ ଜିତିଛନ୍ତି ।