ଭାବିନା ପଟେଲଙ୍କୁ ୩ କୋଟି ଟଙ୍କା ଦେବ ଗୁଜୁରାଟ ସରକାର, ମୁଖ୍ୟମନ୍ତ୍ରୀ ବିଜୟ ରୂପାଣୀ କଲେ ଘୋଷଣା
କନକ ବ୍ୟୁରୋ : ୨୦୨୦ ଟୋକିଓ ଅଲିମ୍ପିକ୍ସରେ ଭାବିନାବେନ ପଟେଲ ରୋପ୍ୟ ପଦକ ଜିତି ଭାରତ ପାଇଁ ଇତିହାସ ରଚିଛନ୍ତି । ଭାବିନା ପଟେଲ ଭାରତ ପାଇଁ ଟେବୁଲ ଟେନିସରେ ମେଡାଲ ଜିତିବାରେ ପ୍ରଥମ ଭାରତୀୟ ଖେଳାଳି । ତାଙ୍କୁ ପ୍ରୋତ୍ସାହିତ କରିବାକୁ ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୂପାଣୀ ୩ କୋଟି ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଜୟ ରୂପାଣୀ ଭାବିନାବେନ ପଟେଲଙ୍କୁ ପାରା ଅଲିମ୍ପିକ୍ସରେ ମେଡାଲ ଜିତିବା ପରେ ବଧାଇ ଜଣେଇବା ସହ ତାଙ୍କ ଟ୍ୱିଟରେ ଲେଖିଛନ୍ତି କି, “ଭାବିନାବେନ ପଟେଲ ଟୋକିଓ ଅଲିମ୍ପିକ୍ସରେ ମେଡାଲ ଜିତିଥିବାରୁ ଅନେକ ଅନେକ ଶୁଭେଚ୍ଛା, ଗୁଜୁରାଟ ସରକାରଙ୍କ ତରଫରୁ ତାଙ୍କୁ ୩ କୋଟି ଟଙ୍କାର ପୁରସ୍କାର ରାଶି ପ୍ରଦାନ କରାଯିବ ।”
ଭାବିନାବେନ ପଟେଲ ୨୦୨୦ ଟୋକିଓ ପାରାଅଲିମ୍ପିକ୍ସରେ ସୁନ୍ଦର ପ୍ରଦର୍ଶନ କରି ଫାଇନାଲରେ ପହଂଚିଥିଲେ । ସେ ଫାଇନାଲ ମୁକାବିଲାରେ ଝାଓ ୟିଙ୍ଗଙ୍କ ଠାରୁ ପରାସ୍ତ ହୋଇ ରୋପ୍ୟ ପଦକ ବିଜୟୀ ହୋଇଥିଲେ ।
Gujarat CM Vijay Rupani congratulates #BhavinaPatel, for winning a Silver medal at Paralympic Games
Chief Minister has announced an incentive award of Rs. 3 crores under the state government’s Divyang Khel Pratibha Protsahan Puraskar Yojana to Bhavina Patel: CMO
(file photos) pic.twitter.com/JysRJxBKSL
— ANI (@ANI) August 29, 2021
କହିରଖୁ କି ଭାବିନାଙ୍କ ପୂର୍ବରୁ ଭାରତର କୌଣସି ଟେବୁଲ ଟେନିସ୍ ଖେଳାଳି କ୍ୱାଟର ଫାଇନାଲ ପର୍ଯ୍ୟନ୍ତ ପହଂଚି ନଥିଲେ । ହେଲେ ଭାବିନା ତାଙ୍କର ଏହି କ୍ୟାମ୍ପେନରେ ବିଶ୍ୱର ୮,୩ ଓ ୨ ନମ୍ବର ଖେଳାଳୀଙ୍କୁ ପରାସ୍ତ କରି କ୍ୱାଟର ଫାଇନାଲରେ ପହଂଚିଥିଲେ । ଏହାସହ ସେ ରିଓ ଅଲିମ୍ପିକ୍ସର ସ୍ୱର୍ଣ୍ଣପଦକ ବିଜେତାଙ୍କୁ ବି ପରାସ୍ତ କରିଛନ୍ତି ।