ମଧ୍ୟପ୍ରାଚ୍ୟରେ ବଢ଼ିଲା ଯୁଦ୍ଧ ଆଶଙ୍କା । ଦୁଇ ଶୀର୍ଷ ନେତୃତ୍ୱ ନିପାତ ପରେ ହମାସ ଦେଲା ଇସ୍ରାଏଲକୁ ଚେତାବନୀ । ଇରାନ ସହ ମିଶି ଇସ୍ରାଏଲ ଉପରେ କରିପାରେ ଭୟଙ୍କର ଆକ୍ରମଣ

କନକ ବ୍ୟୁରୋ : ମଧ୍ୟପ୍ରାଚ୍ୟରେ ବଢିଲା ଯୁଦ୍ଧ ଆଶଙ୍କା । ହମାସ ସାମରିକ ମୁଖ୍ୟ ମହମ୍ମଦ ଦାଇଫଙ୍କୁ ବିମାନ ଆକ୍ରମଣରେ ନିପାତ କରାଯାଇଥିବା ନେଇ ଇସ୍ରାଏଲ ସେନା ପକ୍ଷରୁ ସ୍ପଷ୍ଟ କରାଯାଇଛି । ଫଳରେ ଇସ୍ରାଏଲ ଓ ଇରାନ ମଧ୍ୟରେ ବଡ ଧରଣର ଯୁଦ୍ଧ ଆଶଙ୍କା ବଢିଛି । ଏହାପୂର୍ବରୁ ହମାସର ଶୀର୍ଷ ନେତା ଇସମାଇଲ ହାନିୟେହକୁ ତେହରାନରେ ହତ୍ୟା କରାଯାଇଥିଲା । ଇସମାଇଲଙ୍କ ହତ୍ୟା ପାଇଁ ଇସ୍ରାଏଲକୁ ଦାୟୀ କରିବା ସହ ଏହାର ପରିଣାମ ଭୋଗିବାକୁ ଚେତାବନୀ ଦେଇଛି ଇରାନ । ଜୁଲାଇ ୧୩ ତାରିଖରେ ଦାଇଫଙ୍କୁ ବିମାନ ଆକ୍ରମଣରେ ହତ୍ୟା କରାଯାଇଛି । ତେବେ ହମାସ ପକ୍ଷରୁ ଏହାକୁ ଖଣ୍ଡନ କରାଯାଇଛି । ଗତ ଅକ୍ଟୋବରରେ ଇସ୍ରାଏଲ ଉପରେ ହୋଇଥିବା ହୃଦୟବିଦାରକ ଆକ୍ରମଣ ପଛର ମୁଖ୍ୟ ଖଳନାୟକ ଥିଲେ ମହମ୍ମଦ ଦାଇଫ। ଏହି ଭୟଙ୍କର ଆକ୍ରମଣରେ ୧୧୯୭ ଲୋକଙ୍କ ମୃତ୍ୟୁ ହୋଇଥିଲା । ଏହି ଆକ୍ରମଣର ପ୍ରତିଶୋଧ ନେବାକୁ ସେବେଠାରୁ ପ୍ରୟାସ ଚଳାଇଥିଲା ଇସ୍ରାଏଲ ।

Advertisment

ଖୋଜି ଖୋଜି ମାରୁଛି ଇସ୍ରାଏଲ

ଜୁଲାଇରେ ହମାସର ୨ ଶୀର୍ଷ କମାଣ୍ଡର ନିପାତ
ମହମ୍ମଦ ଦାଇଫ ଓ ଇସମାଇଲ ହାନିୟାଙ୍କୁ ହତ୍ୟା କରିଛି ଇସ୍ରାଏଲ
ହମାସର ମୁଖ୍ୟ ଓ ସାମରିକ ମୁଖ୍ୟ ନିପାତ
ଇସ୍ରାଏଲର ମୋଷ୍ଟ ୱାଣ୍ଟେଡ ତାଲିକାରେ ଥିଲା ଦାଇଫ
ଗାଜା ମୁଖ୍ୟ ୟାହ୍ୟା ସିନବାର ଏବେ ଇସ୍ରାଏଲର ଟାର୍ଗେଟରେ
ଏହି ୩ ଜଣ ଇସ୍ରାଏଲ ଆକ୍ରମଣର ଥିଲେ ମାଷ୍ଟରମାଇଣ୍ଡ

ଇସ୍ରାଏଲକୁ ହମାସର ଚେତାବନୀ

ଇସମାଇଲ ହାନିୟାର ମୁତ୍ୟୁ ପରେ ରକ୍ତମୁଖା ହମାସ
ଇସ୍ରାଏଲକୁ ଦେଉଛି ଖୋଲାଖୋଲି ଧମକ
ହାନିୟାର ବଳିଦାନ ବୃଥା ଯିବନି, ଜବାବ ନିଶ୍ଚୟ ଦିଆଯିବ
ଇରାନ-ହମାସ ମିଳିତ ଭାବେ କରିପାରନ୍ତି ଆକ୍ରମଣ
ଲେବାନନରୁ ଇସ୍ରାଏଲ ଉପରେ ହିଜବୁଲ୍ଲାହର ରକେଟ ମାଡ

ମଧ୍ୟପ୍ରାଚ୍ୟରେ କେମିତି ଅଛି ସ୍ଥିତି?

ଯେକୌଣସି ମୁହୂର୍ତ୍ତରେ ଇସ୍ରାଏଲ-ଇରାନ ମଧ୍ୟରେ ହୋଇପାରେ ଯୁଦ୍ଧ
ଡ୍ରୋନ ଓ ମିସାଇଲ ଜରିଆରେ ଇସ୍ରାଏଲ ଉପରେ ଆକ୍ରମଣ କରିପାରେ ଇରାନ
ଆତଙ୍କବାଦୀ ସଙ୍ଗଠନ ସହ ମିଳିତ ଭାବେ ଇସ୍ରାଏଲ ଉପରେ ଆକ୍ରମଣ କରିବାକୁ ଇରାନର ଯୋଜନା
ଇସ୍ରାଏଲ ସମର୍ଥନରେ ଆମେରିକା, ୧୨ ଯୁଦ୍ଧ ଜାହଜ ଓ ୪ ହଜାର ସୈନିକଙ୍କୁ ପ୍ରସ୍ତୁତ ରହିବାକୁ ନିର୍ଦ୍ଦେଶ
ଇରାନ ଓ ଇସ୍ରାଏଲ ନିକଟସ୍ଥ ସମୁଦ୍ରରେ ପଇଁତରା ମାରୁଛନ୍ତି ଆମେରିକାର ଯୁଦ୍ଧ ବୁଡାଜାହାଜ
ଆକ୍ରମଣକୁ ସାମ୍ନା କରିବାକୁ ଇସ୍ରାଏଲ ପ୍ରସ୍ତୁତ କହିଲେ ପ୍ରଧାନମନ୍ତ୍ରୀ ନେତ୍ୟାନାହୁ
ଯୁଦ୍ଧ ଆଶଙ୍କା କରି ନିଜ ନାଗରିକଙ୍କ ପାଇଁ ସତର୍କ ସୂଚନା ଜାରି କରିଛି ଭାରତ
ସ୍ଥିତିକୁ ଦେଖି ଲେବାନନ ଛାଡିବାକୁ ନାଗରିକଙ୍କୁ କହିଲା ଭାରତ