ମହିଳା ଦିବସରେ ମହା ମୁକାବିଲା । ମେଲବର୍ଣ୍ଣରେ ବିଶ୍ୱକପ ଜିତି ସ୍ୱପ୍ନ ସାକାର କରିପାରେ ଭାରତୀୟ ମହିଳା କ୍ରିକେଟ ଟିମ୍ । ଆଜି ଭାରତ- ଅଷ୍ଟ୍ରେଲିଆ ହାଇ ଭୋଲଟେଜ ମ୍ୟାଚ୍
କନକ ବ୍ୟୁରୋ: ମହିଳା ଦିବସରେ ମହା ମୁକାବିଲା । ଆଜି ଟି-୨୦ ମହିଳା ବିଶ୍ୱକପ୍ ଫାଇନାଲ ଟକ୍କର । ମେଲବର୍ଣ୍ଣ କ୍ରିକେଟ ପଡିଆରେ ହେବ ଏହି ହାଇଭୋଲଟେଜ ମ୍ୟାଚ । ଏଥିରେ ବିଶ୍ୱକପ୍ ଆୟୋଜକ ଅଷ୍ଟ୍ରେଲିଆକୁ ଟକ୍କର ଦେବେ ଭାରତୀୟ ଦଳ । ଭାରତ ପାଇଁ ଚଳିତ ବିଶ୍ୱକପ୍ ବେଶ ସ୍ମରଣୀୟ ରହିବ । କାରଣ ଏହା ପୂର୍ବରୁ ଭାରତ କେବେ ଫାଇନାଲକୁ ଯାଇ ପାରିନଥିଲା । ୨୦୦୯, ୨୦୧୦ ଓ ୨୦୧୮ରେ ସେମିଫାଇନାଲରେ ପ୍ରବେଶ କରିବା ପରେ ପରାସ୍ତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେଣୁ ପ୍ରଥମ ଥର ପାଇଁ ବିଶ୍ୱକପ୍ ଆଣିବାର ସ୍ୱପ୍ନକୁ ସାକାର କରିବା ଲକ୍ଷ୍ୟରେ ରହିଛି ହରମନପ୍ରୀତ୍ କୌରଙ୍କ ନେତୃତ୍ୱାଧୀନ ଭାରତୀୟ ମହିଳା ଦଳ । ଅନ୍ୟପଟେ ଚଳିତ ସପ୍ତମ ସଂସ୍କରଣ ପୂର୍ବରୁ ଏଥରର ଆୟୋଜକ ଅଷ୍ଟ୍ରେଲିଆ ୫ଥର ଫାଇନାଲ ପ୍ରବେଶ କରିଥିବାବେଳେ ୪ଥର ବିଜେତା ହୋଇଛି । ଏଥର ପରାଜୟରୁ ଅଭିଯାନ ଆରମ୍ଭ କରିବା ସତ୍ୱେ କ୍ରମାଗତ ଷଷ୍ଠ ଥର ଫାଇନାଲରେ ପ୍ରବେଶ କରିଛି । ତେଣୁ ପଂଚମ ଥର ପାଇଁ ବିଶ୍ୱକପ୍ ବିଜେତା ହେବାର ଲକ୍ଷ୍ୟରେ ରହିଛି ଆୟୋଜକ ଦଳ ।