୨୧ ଯାଏଁ ତାତିରୁ ମିଳିବନି ତ୍ରାହି । ଚଳିତବର୍ଷ ପ୍ରଥମ ଥର ୪୪ ଡିଗ୍ରୀ ଛୁଇଁଲା ତାତି, ବୌଦ୍ଧ ରାଜ୍ୟର ସବୁଠାରୁ ଉତ୍ତପ୍ତ ସହର, ପାରଦ ଛୁଇଁଲା ୪୪.୩ ଡ଼ିଗ୍ରୀ ।
କନକ ବ୍ୟୁରୋ: ତାତିରୁ ମିଳୁନି ତ୍ରାହି । ସାରା ରାଜ୍ୟରେ କଲବଲ କରୁଛି ପ୍ରଚଣ୍ଡ ଗ୍ରୀଷ୍ମ ପ୍ରବାହ । ଚଳିତ ବର୍ଷ ପ୍ରଥମ ଥର ପାଇଁ ୪୪ ଡ଼ିଗ୍ରୀ ଛୁଇଁଲା ତାତି । ବୌଦ୍ଧରେ ୪୪.୩ ଡ଼ିଗ୍ରୀ ପାରଦ ଛୁଇଁଥିବାବେଳେ ବାରିପଦାରେ ୪୪.୨ ଡ଼ିଗ୍ରୀ ସର୍ବୋଚ୍ଚ ଦିନର ତାପମାତ୍ରା ରେକର୍ଡ ହୋଇଛି । ତେବେ ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ମୁତାବକ ୩୨ ସହରରେ ୪୦ ଡ଼ିଗ୍ରୀରୁ ଅଧିକ ତାପମାତ୍ରା ରେକର୍ଡ କରାଯାଇଛି । ଏହାସହ ୧୦ ସହରରେ ୪୩ ଡ଼ିଗ୍ରୀରୁ ଅଧିକ ତାପମାତ୍ରା ରେକର୍ଡ ହୋଇଛି । ଏପଟେ ରାଜ୍ୟରେ ୨୧ ତାରିଖ ଯାଏଁ ହିଟ୍ ୱେଭ୍ ବା ଗ୍ରୀଷ୍ମ ଲହରୀ ଜାରି ରହିବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।
Kanak News is now on WhatsApp
Join and get latest news updates delivered to you via WhatsApp
