ତିନି ଦିନ ହେଲା ସୁରୁଖୁରରେ ଚାଲିପାରୁନି ଗୃହ । ଆଜି କାର୍ଯ୍ୟକାଳ ସ୍ୱାଭାବିକ ହେବା ନେଇ ଆଶା । ହେଲେ କ୍ୟାବିନେଟ୍ ନିଷ୍ପତି ପ୍ରତ୍ୟାହାର ପାଇଁ ବିଜେପିର ଜିଦ୍ ।
କନକ ବ୍ୟୁରୋ: ଆଦିବାସୀ ଜମି ହସ୍ତାନ୍ତର ପ୍ରସଙ୍ଗକୁ ନେଇ ତିନିଦିନ ହେଲା ଚାଲିପାରୁନି ଗୃହ । ବିରୋଧୀଙ୍କ ଗୋଟିଏ ଜିଦ୍ ଯେ, ଆଦିବାସୀ ଜମି ହସ୍ତାନ୍ତର ବିଲ୍ ସ୍ଥଗିତ ନୁହେଁ ପ୍ରତ୍ୟାହାର କରାଯାଉ । ଏଥିପାଇଁ ବାରମ୍ବାର ଗୃହକୁ ଅଚଳ କରିବାକୁ ପଡ଼ିଛି । ତେବେ ଆଜି ଗୃହ ସ୍ୱାଭାବିକ ହେବ ନା ପୁଣି ହଟ୍ଟଗୋଳ ହେବ, ତା’ ଉପରେ ରହିଛି ନଜର ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ଆଦିବାସୀ ଜମି ହସ୍ତାନ୍ତର ପ୍ରସଙ୍ଗକୁ ନେଇ ଗୃହ ବାହାରେ ବିକ୍ଷୋଭ ପ୍ରଦର୍ଶନ କରିବା ସହ ରାଜଭବନ ଯାଇ ରାଜ୍ୟପାଳଙ୍କ ନିକଟରେ ଫେରାଦ ହୋଇଥିଲା ବିଜେପି ବିଧାୟକ । ଜମିଜମା ବିକ୍ରି ସଂକ୍ରାନ୍ତୀୟ ବିଲ୍କୁ ସଂପୂର୍ଣ୍ଣ ପ୍ରତ୍ୟାହାର ଦାବିରେ ରାଜ୍ୟପାଳଙ୍କୁ ଭେଟିଥିଲା ଦଳ । ସେହିପରି କଂଗ୍ରେସ, ସାମ୍ବାଦିକ ସମ୍ମିଳନୀ କରି ରାଜ୍ୟ ସରକାରଙ୍କୁ ଟାର୍ଗେଟ୍ କରିଥିଲା । ଶୀତ ଅଧିବେଶନର ତୃତୀୟ ଦିନରେ ଯଦିଓ ଦ୍ୱିତୀୟାର୍ଦ୍ଧ ଗୃହକାର୍ଯ୍ୟ ଚାଲିଥଲା, ତଥାପି ପ୍ରଥମାର୍ଦ୍ଧ ସଂପୂର୍ଣ୍ଣ ଧୋଇ ହୋଇଯାଇଥିଲା । ନା’ ପ୍ରଶ୍ନକାଳ ଚାଲିପାରିଥିଲା, ନା’ ଶୂନ୍ୟକାଳ । ଗୃହରେ ପ୍ରବଳ ହଟ୍ଟଗୋଳ କରିଥିଲେ ବିରୋଧୀ । ପ୍ଲା-କାର୍ଡ ଧରି ବାଚସ୍ପତିଙ୍କ ପୋଡିଅମ୍ ଆଗରେ ପ୍ରତିବାଦ କରିଥିଲେ ।