କନକ ବ୍ୟୁରୋ : ଆଜି ଠାରୁ ଆରମ୍ଭ ହେଉଛି ସଂସଦର ଶୀତକାଳୀନ ଅଧିବେଶନ । ଏହା ପୂର୍ବରୁ ରବିବାର ସର୍ବଦଳୀୟ ବୈଠକ ଡାକାଯାଇଥିଲା । ଏଥିରେ ୨୭ଟି ଦଳ ଭାଗ ନେଇଥଲେ ବୋଲି କୁହାଯାଉଛି । ସରକାର ସବୁ ପ୍ରସଙ୍ଗରେ ଆଲୋଚନା ପାଇଁ ପ୍ରସ୍ତୁତ ବୋଲି ବୈଠକରେ ପ୍ରଧାନମନ୍ତ୍ରୀ ମୋଦି କହିଛନ୍ତି । ବୈଠକରେ ସାଂସଦ ତଥା ନ୍ୟାସନାଲ କନଫେରେନ୍ସ ନେତା ଫାରୁକ ଅବଦୁଲ୍ଲାଙ୍କ ବନ୍ଦୀ ପ୍ରସଙ୍ଗ ଉଠିଥିଲା । ଅବଦୁଲ୍ଲାଙ୍କୁ ଅଧିବେଶନରେ ଭାଗ ନେବାକୁ ସୁଯୋଗ ଦିଆଯିବା ଉଚିତ ବୋଲି ବିରୋଧୀ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବୈଠକ ପରେ ଲୋକସଭା ବାଚସ୍ପତି ଓମବିର୍ଲା କହିଛନ୍ତି ଯେ, ବିଭିନ୍ନ ଦଳର ନେତା ବିଭିନ୍ନ ପ୍ରସଙ୍ଗ ଉଠାଇଛନ୍ତି, ଏସବୁକୁ ଧ୍ୟାନକୁ ନିଆଯାଇଛି । ଶୀତ ଅଧିବେଶନ ସଫଳ ହେବା ନେଇ ଆଶାବାଦୀ ଥିବା ବାଚସ୍ପତି କହିଛନ୍ତି । ସେପଟେ ଉପରାଷ୍ଟ୍ରପତିଙ୍କୁ ଭେଟିଛନ୍ତି ରାଜ୍ୟସଭା ସାଂସଦମାନେ । ଡିସେମ୍ବର ୧୩ ପର୍ଯ୍ୟନ୍ତ ଏହି ଅଧିବେଶନ ଚାଲିବ । ଏହି ଅଧିବେଶନରେ ନାଗରିକତା ସଂଶୋଧନ ବିଲ ସମେତ ଅନ୍ୟ ଗୁରୁତ୍ୱପୂର୍ଣ୍ଣ ବିଲ୍ ଆଣିବାକୁ କେନ୍ଦ୍ର ସରକାର ଯୋଜନା କରିଛନ୍ତି।