ରାଜ୍ୟରେ ବଢୁଛି ସଂକ୍ରମଣ ସଂଖ୍ୟା । ୧୧ ହଜାର ଟପିଲା ଦୈନିକ ସଂକ୍ରମଣ…
କନକ ବ୍ୟୁରୋ : ରାଜ୍ୟରେ ଦିନକୁ ଦିନ ବଢିଚାଲିଛି ସଂକ୍ରମିତଙ୍କ ସଂଖ୍ୟା । ଗତ ୨୪ ଘଂଟାରେ ୧୧ ହଜାର ୮୦୭ ସଂକ୍ରମିତ ଚିହ୍ନଟ । ସଂଗରୋଧରୁ ୬ ହଜାର ୬୧୩ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମିତ ୫ ହଜାର ୧୯୪ । ସୁନ୍ଦରଗଡ଼ରୁ ୧୯ଶହ ୨୨ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁ ୧୫ଶହ ୧୦, କଟକରୁ ହଜାରେ ୫୨ । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୫ଲକ୍ଷ ୨୪ ହଜାର ୨୦୭ । ସୁସ୍ଥ ହୋଇଛନ୍ତି ୪ଲକ୍ଷ ୩୧ ହଜାର ୬୫୮ଜଣ । କରୋନାରେ ସଂକ୍ରମିତ ହୋଇ ଚିକିତ୍ସିତ ହେଉଛନ୍ତି ୯୦ ହଜାର ୩୩୫ଜଣ ।
Kanak News is now on WhatsApp
Join and get latest news updates delivered to you via WhatsApp
ତେବେ ଲକଡାଉନ୍ ଲାଗିଲେ ସଂକ୍ରମଣ କମିବ ବୋଲି ଯେଉଁ ଆଶଙ୍କା କରାଯାଉଥିଲା, ତାହାପ କୌଣସି ସୁଫଳ ଏଯାଏଁ ଦେଖିବାକୁ ମିଳିନାହିଁ । ଯଦି ଏହିଭଳି ଭାବରେ ସଂକ୍ରମଣ ବଢିଚାଲେ ତାହେଲେ ଓଡିଶାରେ ମଧ୍ୟ ଭୟଙ୍କର ସ୍ଥିତି ସୃଷ୍ଟି ହୋଇପାରେ । ତେଣୁ କରୋନା ଚେନକୁ ଭାଙ୍ଗିବାକୁ ହେଲେ କେବଳ ସରକାର ଉଚିତ୍ ପଦକ୍ଷେପ ନେବେ ତା ନୁହେଁ, ଲୋକଙ୍କୁ ମଧ୍ୟ ସଚେତନ ହେବାକୁ ପଡିବ । କରୋନା କଟକଣାକୁ ମାନି ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରିବାରୁ ହେବ । ତାହେଲେ ଯାଇଁ ମହାମାରୀ କରୋନାକୁ ପରାଜୟ କରିହେବ ।