ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନ୍ମଦିନ । ୭୫ ବର୍ଷରେ ପାଦ ଥାପିଲେ ବିଜେଡି ସୁପ୍ରିମୋ : ଦୁଇ ଦଶନ୍ଧି ଧରି କ୍ଷମତା ବଳୟରେ ଥାଇ ସାଜିଲେଣି ଲୋକଙ୍କ ନେତା
କନକ ବ୍ୟୁରୋ : ୧୯୯୭ରେ ପ୍ରତିଷ୍ଠା ହୋଇଥିବା ଆଂଚଳିକ ଦଳ ବିଜେଡିକୁ ଯେତିକି ବର୍ଷ, ଏହାର ସଭାପତି ଭାବେ ନବୀନଙ୍କ କାର୍ଯ୍ୟକାଳ ମଧ୍ୟ ସେତିକି ଲମ୍ବା । ଆସିକା ଉପନିର୍ବାଚନରେ ବିଜୟ ଲାଭ ପରେ ଦିନଟିଏ ହେଲେ ବି ସେ କ୍ଷମତା ରାଜନୀତିର ବଳୟରୁ ବାହାରକୁ ବାହାରି ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଗତ ଦୁଇ ଦଶକର ରାଜନୀତିରେ ଶଂଖ ଦଳର ସୁପ୍ରିମୋ ଯେଉଁ ସଫଳତାର ଉଚ୍ଚକୁ ଛୁଇଁଛନ୍ତି, ଭାରତୀୟ ରାଜନୀତି ଇସିହାସରେ କାଁ ଭାଁ କେହି ଏଭଳି ସଫଳତାର ଅଧିକାରୀ ହୋଇଥିବେ ।
ନବୀନଙ୍କୁ ୫୧ ବର୍ଷ ହେଲାବେଳକୁ ସେ ଥିଲେ ରାଜନୀତିରେ ଶ୍ରୀଅକ୍ଷର ବିବର୍ଜିତ । ହେଲେ ଆଜି ୭୪ ପୁରିଲା ବେଳକୁ ସେ ଦେଶର ଆଗଧାଡିର ଜଣେ ରାଜନେତା । ଏବଂ ରାଜ୍ୟ ରାଜନୀତିର ଅଦ୍ୱିତୀୟ ନେତା । ଆଜି ଓଡିଶାର ଲୋକପ୍ରିୟ ମୁଖ୍ୟମନ୍ତ୍ରୀଙ୍କ ଜନ୍ମଦିନ ।