କନକ ବ୍ୟୁରୋ : ମହାଶିବରାତ୍ରି ଅବସରରେ ଶୈବପୀଠ ଗୁଡିକରେ ଶ୍ରଦ୍ଧାଳୁଙ୍କ ଭିଡ ଜମିବାରେ ଲାଗିଛି । ଝାଡଖଣ୍ଡ ଦେବଘରରେ ଥିବା ବାବା ବୈଦ୍ୟନାଥ ପୀଠରେ ହଜାର ହଜାର ଶ୍ରଦ୍ଧାଳୁ ପହଁଚିଛନ୍ତି । ଚାଲିଛି ଦେବ ଦେବ ମହାଦେବଙ୍କ ଦର୍ଶନ । ଶ୍ରଦ୍ଧାଳୁମାନେ ସ୍ୱତନ୍ତ୍ର ପୂଜାର୍ଚ୍ଚନା କରିବା ସହ ଜଳଲାଗି କରିଛନ୍ତି । ସେପଟେ ଜମ୍ମୁ ଓ କଶ୍ମୀରରେ ଥିବା ଶିବଖୋରୀ ଶୈବପୀଠରେ ଶ୍ରଦ୍ଧାଳୁଙ୍କ ସମାଗମ ହୋଇଛି । ବଡି ଭୋରରୁ ଏଠାରେ ଶ୍ରଦ୍ଧାଳୁଙ୍କ ଭିଡ ଜମିଲାଣି ।
Kanak News is now on WhatsApp
Join and get latest news updates delivered to you via WhatsApp
ତେବେ ଦିନ ବଢିବା ସହ ଶ୍ରଦ୍ଧାଳୁଙ୍କ ଭିଡ ମଧ୍ୟ ବଢିବାରେ ଲାଗିଛି । ଭୋରରୁ ମହାଦେବଙ୍କ ସ୍ୱତନ୍ତ୍ର ପୂଜା ନୀତି ସମ୍ପନ୍ନ ହୋଇଛି । ଏହାସହ ମଧ୍ୟପ୍ରଦେଶର ଭଜ୍ଜେନ ମହାକାଳେଶ୍ୱର ମନ୍ଦିରରେ ସ୍ୱତନ୍ତ୍ର ପୂଜାର୍ଚ୍ଚନା ଜାରି ରହିଛି । ଭୋର ୪ଟାରୁ ଏଠାରେ ଶ୍ରଦ୍ଧାଳୁମାନେ ପହଂଚି ଠାକୁର ଦର୍ଶନ କରିଛନ୍ତି । ଜାଗର ଅବସରରେ ହଜାର ହଜାର ଶ୍ରଦ୍ଧାଳୁ ଏଠାରେ ଭିଡ ଜମାଇଛନ୍ତି ।