ଆଜି ଜେଇଇ ଆଡଭାନ୍ସ ପ୍ରବେଶିକା ପରୀକ୍ଷା । ଭୁବନେଶ୍ୱର ସମେତ ୨୩ଟି ଆଇଆଇଟି ପାଇଁ ହେଉଛି ପରୀକ୍ଷା : ରାଜ୍ୟର ୫ଟି ସହରରେ ପରୀକ୍ଷା ଦେବେ ୫ ହଜାର ପରୀକ୍ଷାର୍ଥୀ
କନକ ବ୍ୟୁରୋ : ଆଜି ଜେଇଇ ଆଡଭାନ୍ସ ପରୀକ୍ଷା । ଭୁବନେଶ୍ୱର ସମେତ ଦେଶର ୨୩ ଟି ଆଇଆଇଟିରେ ନାମଲେଖା ପାଇଁ ଜେଇଇ ଆଡଭାନ୍ସ ପରୀକ୍ଷା ଅନୁଷ୍ଠିତ ହେବ । ଓଡ଼ିଶାର ଭୁବନେଶ୍ୱର, କଟକ, ବ୍ରହ୍ମପୁର, ସମ୍ବଲପୁର ଓ ରାଉରକେଲା ସହରରେ ପରୀକ୍ଷା କେନ୍ଦ୍ର କରାଯାଇଛି । ଏହି କେନ୍ଦ୍ର ଗୁଡିକରେ ୫ ହଜାରରୁ ଅଧିକ ଛାତ୍ରଛାତ୍ରୀ ଜେଇଇ ଆଡଭାନ୍ସ ପରୀକ୍ଷା ଦେବେ । ଦୁଇଟି ପେପର ପରୀକ୍ଷା ହେବ । ସକାଳ ୯ଟାରୁ ୧୨ଟା ପର୍ଯ୍ୟନ୍ତ ପେପର-ୱାନ୍ ଏବଂ ଅପରାହ୍ଣ ୨ଟା ୩୦ରୁ ୫ଟା ୩୦ ପର୍ଯ୍ୟନ୍ତ ପେପର-ଟୁ ପରୀକ୍ଷା ହେବ ।
Kanak News is now on WhatsApp
Join and get latest news updates delivered to you via WhatsApp
ପ୍ରବେଶିକା ପରୀକ୍ଷା କଂପୁଟର ଟେଷ୍ଟ ବା ସିବିଟି ମୋଡରେ ଅନୁଷ୍ଠିତ ହେଉଥିବାରୁ କୋଭିଡ୍ ଗାଇଡଲାଇନ୍କୁ କଡ଼ାକଡ଼ି ପାଳନ କରିବାକୁ କୁହାଯାଇଛି । ଜେଇଇ ଆଡଭାନ୍ସର ଯୋଗ୍ୟ ଛାତ୍ରଛାତ୍ରୀ ୨୩ଟି ଆଇଆଇଟିରେ ଥିବା ୪ ବର୍ଷିଆ ବି.ଟେକ୍ ଓ ବିଏସସି, ୫ ବର୍ଷିଆ ଆର୍କିଟେକ୍, ଡୁଆଲ୍ ଡିଗ୍ରୀ ବି.ଟେକ୍ ଓ ଏମ୍ଟେକ୍ ଓ ଡୁଆଲ ଡିଗ୍ରୀ ବିଏସସି ଓ ଏମଏସସି ପାଠ୍ୟକ୍ରମରେ ନାମ ଲେଖାଇ ପାରିବେ ।
ଏହି ପ୍ରବେଶିକା ପରୀକ୍ଷା ଦେବା ଲାଗି ଦେଶରେ ୧ ଲକ୍ଷ ୬୦ ହଜାର ୮୬୪ ଜଣ ଛାତ୍ରଛାତ୍ରୀ ପଂଜିକରଣ କରିଛନ୍ତି । ଦେଶର ୨୨୨ଟି ସହରର ୧୧୫୦ କେନ୍ଦ୍ରରେ ଏହି ପରୀକ୍ଷା ହେବ ।