ଆଜି ଭାରତ ପାଳୁଛି ବିଜୟ ଦିବସ । ଭାରତର ଜୋରଦାର ଆକ୍ରମଣରେ ହାର ମାନିଥିଲା ପାକିସ୍ତାନ, ଏକାସାଙ୍ଗରେ ୯୩ ହଜାର ସୌନିକ କରିଥିଲେ ଆତ୍ମସମର୍ପଣ
କନକ ବ୍ୟୁରୋ : ଆଜି ଭାରତ ପାଳୁଛି ବିଜୟ ଦିବସ । ପାକିସ୍ତାନ-ଭାରତ ଯୁଦ୍ଧରେ ବିଜୟ ହୋଇଥିଲା ଭାରତ । ୧୯୭୧ ମସିହାରେ ୯୩ ହଜାର ପାକିସ୍ଥାନୀ ସୈନିକ ଭାରତୀୟ ସୈନିକଙ୍କ ପାଖରେ ଆତ୍ମସମର୍ପଣ କରିଦେଇଥିଲେ । ଭାରତର ଏହି ଐତିହାସିକ ବିଜୟକୁ ବିଜୟ ଦିବସ ରୂପରେ ପାଳନ କରାଯାଉଛି । ଯୁଦ୍ଧରେ ଭାରତୀୟ ସୈନିକଙ୍କ ବୀରତା, ଅଦମ୍ୟ ସାହାସିକତା ଓ ରଣନୈତିକ କୌଶଳ ବର୍ତ୍ତମାନ ପର୍ଯ୍ୟନ୍ତ କେହି ମଧ୍ୟ ଭୁଲି ପାରିନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଯୁଦ୍ଧ କୌଶଳ ବିଷୟରେ କ୍ୟାପଟେନ ଟି.କେ ତ୍ରିପାଠୀ କହିଛନ୍ତି ଯେ, ସେ ଦିନ କଥା ମନେପକାଇଲେ ଗର୍ବରେ ଛାତି ଚଉଡା ହୋଇଯାଏ । ଯୁଦ୍ଧ ସମୟରେ ସୈନିକମାନେ ବୀରତ୍ୱର ପରିଚୟ ଦେଇଥିଲେ । କେବଳ ଏତିକି ନୁହେଁ ବରଂ ବହୁ କଷ୍ଟରେ ଶତ୍ରୁ ପକ୍ଷଙ୍କୁ ଉଚିତ ଜବାବ ଦେଇଥିଲେ । ଏହାସହ ଏକାସାଙ୍ଗରେ ଏପରି ଭାବରେ କୌଣସି ଦେଶର ସୈନିକ ମଧ୍ୟ ଆତ୍ମସମର୍ପଣ କରିବାର ନଜର ନାହିଁ । ତେବେ ଏହି ଗର୍ବକୁ କେବେ ବି କୌଣସି ସେନା କର୍ମଚାରୀ ଭୁଲିପାରିବେ ନାହିଁ । କାରଣ ସେହିଦିନର ସ୍ମୃତିକୁ ଏବେ ବି ସାଉଂଟି ରଖାଯାଇଛି ବୋଲି ଯୁଦ୍ଧରେ ଲଢିଥିବା ଯୋଦ୍ଧାମାନେ ମତ ରଖିଛନ୍ତି ।