ରାଜଧାନୀରେ ବାର୍ଡ ଫ୍ଲୁ ଆତଙ୍କ । ଆଜି ଆସୁଛନ୍ତି କେନ୍ଦ୍ରୀୟ ପ୍ରତିନିଧି ଦଳ , ସଂକ୍ରମଣ ଅଂଚଳ ବୁଲି କରିବେ ସ୍ଥିତି ଅନୁଧ୍ୟାନ ପରେ ରାଜ୍ୟ ସରକାରଙ୍କ ସହ କରିବେ ଆଲୋଚନା
କନକ ବ୍ୟୁରୋ : ଓୟୁଏଟିରେ ବାର୍ଡ ଫ୍ଲୁ ଚିହ୍ନଟ ପରେ ରାଜଧାନୀରେ ଆତଙ୍କ ଖେଳିଯାଇଛି । ଆଜି ବାର୍ଡ ଫ୍ଲୁର ସ୍ଥିତି ଅନୁଧ୍ୟାନ ପାଇଁ ଏକ କେନ୍ଦ୍ରୀୟ ପ୍ରତିନିଧି ଦଳ ଓଡିଶା ଗସ୍ତରେ ଆସୁଛନ୍ତି । ସେମାନେ ଓୟୁଏଟି ଫାର୍ମ ହାଉସ ସମେତ ଏହାର ଆଖପାଖ ଅଂଚଳ ବୁଲି ସ୍ଥିତି ପରଖିବେ । କିଭଳି ସ୍ଥିତି ରହିଛି ? କଣ ସବୁ ପଦକ୍ଷେପ ନିଆଯାଇଛି ? କିଛି ତ୍ରୁଟି ରହିଯାଇଛି କି ? ଏସବୁ ଅନୁଧ୍ୟାନ କରିବେ । କେଉଁଥି ପାଇଁ ବାର୍ଡ ଫ୍ଲ ବ୍ୟାପିଲା ? ରାଜଧାନୀରେ ଥିବା ଏହି ଫାର୍ମରେ ବାରମ୍ବାର ବାର୍ଡ ଫ୍ଲୁ ହେଉଥିବାରୁ ଅନ୍ୟତ୍ର ସ୍ଥାନାନ୍ତର ପରି ବିଷୟ ଉପରେ ଆଲୋଚନା ହେବ । ଏହାଛଡା ରାଜ୍ୟ ସରକାରଙ୍କ ସହ ମଧ୍ୟ କେନ୍ଦ୍ରୀୟ ପ୍ରତିନିଧି ଦଳ ଆଲୋଚନା କରିବେ ବୋଲି ସୂଚନା ଦେଇଛି ମତ୍ସ୍ୟ ଓ ପାଣୀ ସଂପଦ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ସଂକ୍ରମିତ ସ୍ଥାନରେ ନିୟୋଜିତ ରାପିଡ ରେସପନ୍ସ ଟିମ୍ ୫ଟି ସଂକ୍ରମିତ ସ୍ଥାନର ଏକ କିଲୋମିଟର ବ୍ୟାସାର୍ଦ୍ଧ ଅଂଚଳରେ ଥିବା କୁକୁଡା ଦୋକାନ ଓ କୁକୁଡା ଚାଷୀଙ୍କ ୮୦ଟି କୁୁକୁଡା ଓ ବତକଙ୍କୁ ମାରି ଗଭୀର ଗାତରେ ପୋତି ଦେଇଛନ୍ତି । ଏଥିସହ ୧୦୫୯ଟି ଅଣ୍ଡା ଓ ୧୦ କେଜି କୁକୁଡା ଖାଦ୍ୟକୁ ଗଭୀର ଗାତରେ ପୋତି ଦେଇଛନ୍ତି । ସେହିପରି ଚିଲିକାରୁ ଆଉ କିଛି ବିଦେଶୀ ପକ୍ଷୀଙ୍କ ଓ ନନ୍ଦକାନନ ପକ୍ଷୀ ବିହାରରୁ ରକ୍ତ ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଯାଇଛି ।