ଆଜି ବିଜେଡି ରାଜ୍ୟ ପରିଷଦ ବୈଠକ । ଲଗାତର ଅଷ୍ଟମ ଥର ପାଇଁ ସଭାପତି ହେବେ ନବୀନ ପଟ୍ଟନାୟକ : ନିର୍ବାଚିନ ନୁହେଁ ମନୋନୀତ ହୋଇ ପୁଣି ଧରିବେ ବିଜେଡି ମଙ୍ଗ
କନକ ବ୍ୟୁରୋ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବୁଧବାର ବିଜେଡିର ପରବର୍ତୀ ସଭାପତି ଭାବରେ ବିଧିବଦ୍ଧ ଭାବେ ନିର୍ବାଚିତ କରାଯିବ । ଆଜି ରାଜ୍ୟ କାର୍ଯ୍ୟାଳୟରେ ଡକାଯାଇଥିବା ବିଜେଡି ରାଜ୍ୟ ପରିଷଦ ବୈଠକରେ ନବୀନ ସଭାପତି ପଦରେ ନିର୍ବାଚିତ ହେବାର କାର୍ଯ୍ୟକ୍ରମ ରହିଛି । ଏକମାତ୍ର ପ୍ରାର୍ଥୀ ଭାବରେ ଏହି ପଦ ଲାଗି ସେ ପ୍ରାର୍ଥୀପତ୍ର ଦାଖଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ପରିଷଦ ବୈଠକରେ ୩୫୫ଜଣ ସଦସ୍ୟ ରହିଥିବା ବେଳେ ୮୦ଜଣ ସଦସ୍ୟଙ୍କୁ ରାଜ୍ୟ କାର୍ଯ୍ୟକାରିଣିକୁ ମଧ୍ୟ ନିର୍ବାଚିତ କରାଯିବ । ଦଳୀୟ କାର୍ଯ୍ୟକ୍ରମ ଅନୁଯାୟୀ ସଭାପତି ପଦରେ ଅଷ୍ଟମଥର ଲାଗି ନବୀନଙ୍କ ନିର୍ବାଚନ ବିଧିବଦ୍ଧ ଘୋଷଣା ହେଲା ପରେ ରାଜ୍ୟ ପରିଷଦ ବୈଠକରେ ତାଙ୍କୁ ସମ୍ବର୍ଦ୍ଧିତ କରାଯିବ । ପରବର୍ତି ସମୟରେ ଦଳର ଅନ୍ୟ ପଦାଧିକାରୀଙ୍କ ନାଁ ଘୋଷଣା କରାଯିବ ।