କନକ ବ୍ୟୁରୋ: ବିଧାନସଭାରେ ମହାନଦୀ ସଂପର୍କରେ ଆଲୋଚନା ଆରମ୍ଭ ହୋଇଛି । ପ୍ରଶ୍ନକାଳ ବାତିଲ୍ କରାଯାଇ ବିତର୍କ ଆରମ୍ଭ ହୋଇଛି । ବାଚସ୍ପତିଙ୍କ ରୁଲିଂ ଦାବି କରିଛନ୍ତି ବିରୋଧୀ । ତେବେ ଗଣମାଧ୍ୟର ସିଧାପ୍ରସାରଣ ଉପରେ ରୋକକୁ ନେଇ ବିଜେପି ଓ କଂଗ୍ରେସ ବିରୋଧୀ କରିଛନ୍ତି । ସେପଟେ କେବଳ ପ୍ରଶ୍ନଉତର ସିଧାପ୍ରସାରଣ କରାଯିବ ବୋଲି ବାଚସ୍ପତି କହିଛନ୍ତି । ଗତକାଲି ମହାନଦୀକୁ ନେଇ ବାରମ୍ବାର ଗୃହ ମୁଲତବୀ ହେବା ପରେ ସର୍ବଦଳୀୟ ବୈଠକ ବସିଥିଲା । ଆଜି ମହାନଦୀ ପ୍ରସଙ୍ଗରେ ଆଲୋଚନା ନେଇ ସର୍ବଦଳୀୟ ବୈଠକରେ ନିଷ୍ପତି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ବିଧାନସଭାରେ ଆଜି ଉତ୍ତର କାଳ ବାତିଲ୍ କରାଯାଇ ମହାନଦୀ ସଂପର୍କରେ ଚାରି ଘଂଟା ପାଇଁ ଆଲୋଚନା ହେବ । ମହାନଦୀକୁ ନେଇ ବାରମ୍ବାର ଗୃହ ମୁଲତବୀ ହେବା ପରେ ,ସର୍ବଦଳୀୟ ବୈଠକରେ ଏଭଳି ନିଷ୍ପତି ହୋଇଛି । ଗତକାଲି ଭଳି ଆଜି ଦ୍ୱିତୀୟ ଦିନରେ ବି ଗୃହରେ ଦେଖିବାକୁ ମିଳିଥିଲା ମହାନଦୀ ତାତି । ଗୃହ ଆରମ୍ଭ ହେବା ମାତ୍ରେ, ବିରୋଧୀ କଂଗ୍ରେସ ପ୍ରଶ୍ନ ଉତ୍ତର କାଳ ବାତିଲ୍ କରି ମହାନଦୀ ସଂପର୍କିତ ଆଲୋଚନା ପାଇଁ ଦାବି କରିଥିଲେ । ବାଧ୍ୟ ହୋଇ ଗୃହକୁ ଏକ ଘଂଟା ପାଇଁ ମୁଲତବୀ ଘୋଷଣା କରିଥିଲେ ବାଚସ୍ପତି । ତେବେ ପୁଣିଥରେ ମହାନଦୀକୁ ନେଇ ଗୃହ କାର୍ଯ୍ୟ ବାଧାପ୍ରାପ୍ତ ହେବା ସହ ସର୍ବଦଳୀୟ ବୈଠକ ଦାବି କରିଥିଲେ ବିରୋଧୀ ଦଳ ନେତା । ବାଚସ୍ପତି ଏଥିରେ ସହମତ ହେବା ପରେ ସର୍ବଦଳୀୟ ବୈଠକ ବସିଥିଲା ।