କନକ ବ୍ୟୁରୋ : ପୁଣି ଅସ୍ୱୀକାର କଲେ ସରକାର । ଚାଷୀ ଆତ୍ମହତ୍ୟା ପ୍ରସଙ୍ଗରେ ଗୃହରେ ଉତର ରଖିଛନ୍ତି କୃଷି ମନ୍ତ୍ରୀ ପ୍ରଦୀପ ମହାରଥୀ । ଫସଲ ହାନୀ ଓ ଋଣ ଭାର ଯୋଗୁଁ ଚାଷୀ ଆତ୍ମହତ୍ୟା କରିନାହାନ୍ତି । ଅନ୍ୟ କୌଣସି କାରଣ ପାଇଁ ଆତ୍ମହତ୍ୟା କରିଛନ୍ତି ବୋଲି କହିଛନ୍ତି କୃଷି ମନ୍ତ୍ରୀ । ଚାଷୀ ଆତ୍ମହତ୍ୟା ପ୍ରସଙ୍ଗରେ ମୁଲତବୀ ପ୍ରସ୍ତାବ ଉପରେ ଆଲୋଚନା ଚାଲିଥିବା ବେଳେ ପ୍ରଦୀପ ମହାରଥୀ ଉତର ରଖି କହିଛନ୍ତି, ଏହା ଏକ ଦୁଃଖଦ ଘଟଣା ।

Advertisment

ରାଜ୍ୟର ଚଳିତ ବର୍ଷ ୫ ଜଣ ଚାଷୀ ଆତ୍ମହତ୍ୟା କରିଛନ୍ତି । ଏହି ଘଟଣାରେ ଜିଲ୍ଲାପାଳ ଓ ଏସପି ତଦନ୍ତ କରୁଛନ୍ତି । ବରଗଡ, ନବରଙ୍ଗପୁର, ଗଂଜାମ, ବାଲେଶ୍ୱର ଓ ବୌଦ୍ଧରୁ ଚାଷୀ ଆତ୍ମହତ୍ୟା ଅଭିଯୋଗ ଆସିଥିବା କହିଛନ୍ତି କୃଷି ମନ୍ତ୍ରୀ । ୪ ଜଣ ଚାଷୀଙ୍କ ଆତ୍ମହତ୍ୟାର କାରଣ ରିପୋର୍ଟ ଆସିଛି । ସେମାନେ ଫସଲହାନୀ କି ଋଣ ଭାର ଯୋଗୁଁ ଆତ୍ମହତ୍ୟା କରିନାହାନ୍ତି । ବୌଦ୍ଧ ଜିଲ୍ଲାରେ ଆତ୍ମହତ୍ୟା କରିଥିବା ଚାଷୀଙ୍କ ରିପୋର୍ଟ ଆସିନଥିବା କହିଛନ୍ତି କୃଷିମନ୍ତ୍ରୀ ।