ପ୍ରଧାନମନ୍ତ୍ରୀ ମୋଦିଙ୍କ କେଦାରନାଥ ଯାତ୍ରା ସମୟରେ ଗଣମାଧ୍ୟମର କଭରେଜ୍ କୁ ନେଇ ନିର୍ବାଚନ କମିଶନଙ୍କ ଦ୍ୱାରସ୍ଥ ହେଲା ଟିଏମସି ! ଆଚାର ସଂହିତା ଉଲ୍ଲଘଂନର ଲଗାଇଲେ ଅଭିଯୋଗ ।
ପ୍ରଧାନମନ୍ତ୍ରୀ ମୋଦିଙ୍କ କେଦାରନାଥ ଯାତ୍ରା ସମୟରେ ମିଡିଆର କଭରେଜ୍ କୁ ଟିଏମସି ବିରୋଧ କରୁଛି । ନିର୍ବାଚନ କମିଶନଙ୍କୁ ଟିଏମସି ଅଭିଯୋଗ କରି କହିଛି ପ୍ରଧାନମନ୍ତ୍ରୀଙ୍କ କେଦାରନାଥ ଯାତ୍ରାର ଅନ୍ତିମ ଚରଣରେ ନିର୍ବାଚନ ପ୍ରଚାର ଶେଷ ହେବା ପରେ ମଧ୍ୟ ଏତେ ବଡ ସ୍ତରରେ ମିଡିଆ ମାଧ୍ୟମରେ କଭର୍ କରିବା ଆଦର୍ଶ ଆଚାର ସଂହିତା ଉଲ୍ଳଘଂନ ଅଟେ । ଟିଏମସି ତରଫରୁ କୁହାଯାଇଛି କି ନିର୍ବାଚନ ପ୍ରଚାରର ସମୟ ଶେଷ ହେବା ପରେ ମଧ୍ୟ ଦୁଇଦିନ ପର୍ଯ୍ୟନ୍ତ ପିଏମ୍ ମୋଦିଙ୍କ କେଦାରନାଥ୍ ଯାତ୍ରାର କଭରେଜ୍ ବାରମ୍ବାର ମିଡିଆରେ ଦେଖାଇବା ଆଦର୍ଶ ଆଚାର ସଂହିତାର ଉଲ୍ଲଘଂନ ଅଟେ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁଛୁ ଅନ୍ତିମ ଚରଣରେ ନିର୍ବାଚନ ପ୍ରଚାର ଶେଷ ହେବାର ପରଦିନ ସକାଳେ ପ୍ରଧାନମନ୍ତ୍ରୀ କେଦାରନାଥ ଏବଂ ବଦ୍ରିନାଥ ଦର୍ଶନ କରିବା ପାଇଁ ବାହାରିଥିଲେ । ଶନିବାର କେଦାରନାଥ ମନ୍ଦିରରେ ପୂଜା କରି ଏହାପରେ ଗୁମ୍ଫାରେ ଧ୍ୟାନ କରିଥିଲେ । ୧୭ ଘଣ୍ଟା ଗୁମ୍ଫାରେ ରହିବା ପରେ ସେ ଆଜି ସକାଳୁ ଗୁମ୍ଫାରୁ ବାହାରକୁ ଆସିଥିଲେ । ଗୁମ୍ଫାରୁ ବାହାରିବା ପରେ ସେ କହିଥିଲେ ବଡ଼ ଲମ୍ବା ସମୟ ପରେ ଏକାନ୍ତବାସ କରିବାର ମଉକା ପ୍ରାପ୍ତ ହେଲା । ବର୍ତ୍ତମାନ ମୋଦି କେଦାରନାଥରୁ ବଦ୍ରିନାଥ ଯାତ୍ରାରେ ରହିଛନ୍ତି । ପିଏମ୍ ଙ୍କ ଏହି ଯାତ୍ରା ସହ ଜଡିତ ଥିବା ମିଡିଆ କଭରେଜ୍ ଉପରେ ଟିଏମସି କ୍ଷୋଭ ପ୍ରକାଶ କରିଛି ।