ପଶ୍ଚିମବଙ୍ଗରେ ଥମୁନି ରାଜନୈତିକ ହିଂସା : ବୋମା ବିସ୍ଫୋରଣରେ ୩ ଟିଏମସି କାର୍ଯ୍ୟକର୍ତ୍ତାଙ୍କ ମୃତ୍ୟୁ, ଆକ୍ରମଣ ପଛରେ କଂଗ୍ରେସର ହାତ ଥିବା ଅଭିଯୋଗ

ପଶ୍ଚିମବଙ୍ଗରେ ବିଭିନ୍ନ ସ୍ଥାନରେ ହିଂସା ଥମିବାର ନାଁ ନେଉନି । ପଶ୍ଚିମବଙ୍ଗ ମୁର୍ଶିଦାବାଦର ଡୋମକଲରେ କେ. କୁଚିୟାମୋଡା ଗାଁରେ ଦୁଇଟି ଗୋଷ୍ଠୀ ମଧ୍ୟରେ ପୁଣି ଥରେ ହିଂସା ଦେଖିବାକୁ ମିଳିଛି । ଡୋମକଲରେ ବିଳମ୍ବିତ ରାତିରେ ବୋମା ବର୍ଷଣ ଓ ଗୁଳି ଚାଳନା କାରଣରୁ ୩ଜଣଙ୍କ ମୃତ୍ୟୁ ହୋଇଯାଇଛି । ଶୁକ୍ରବାର ରାତି ତୃଣମୂଳ କଂଗ୍ରେସର ଦୁଇ ଜଣ କାର୍ଯ୍ୟକର୍ତ୍ତାଙ୍କ ବୋମା ବିସ୍ଫୋରଣରେ ମୃତ୍ୟୁ ହୋଇଛି । ଟିଏମସି କାର୍ଯ୍ୟକର୍ତ୍ତା ଖୈରୁଦ୍ଦିନ୍ ଶେଖ ଓ ସୋହେଲ ରାଣାଙ୍କ ଘର ଉପରେ ଆକ୍ରମଣକାରୀ ବୋମାରେ ହମଲା କଲେ । ଯଦ୍ୱାରା ଉଭୟଙ୍କ ମୃତ୍ୟୁ ହୋଇଛି ।

WB:TMC workers Khairuddin Sheikh&Sohel Rana died after bomb was hurled at their house last night in Murshidabad.Milan Sheikh,Khairuddin's son says,"We were sleeping,suddenly our house was bombed.They shot my father.Few days back my uncle was also killed. Congress is behind this." pic.twitter.com/w1yw4zfKfM

— ANI (@ANI) June 15, 2019

ଖୈରୁଦ୍ଦିନଙ୍କ ପୁଅ ମିଲାନ ଶେଖଙ୍କ କହିବା ମୁତାବକ, ସେମାନେ ଯେତେବେଳେ ଶୋଇଥିଲେ ହଠାତ୍ ଘର ଉପରେ ବିସ୍ଫୋରଣ ହୋଇଥିଲା । ଯେଉଁଥିରେ ତାଙ୍କ ପିତାଙ୍କ ମୃତ୍ୟୁ ହୋଇଛି । ସେ ଆହୁରି ବି କହିଛନ୍ତି କି, କିଛି ଦିନ ପୂର୍ବରୁ ତାଙ୍କ ଦାଦାଙ୍କୁ ମଧ୍ୟ ମାରିଦିଆଯାଇଥିଲା । ଏହା ପଛରେ କଂଗ୍ରେସର ହାତ ଅଛି ।

ସୂଚନାଯୋଗ୍ୟ, ଲୋକସଭା ନିର୍ବାଚନ ପରେ ପଶ୍ଚିମବଙ୍ଗରେ ରାଜନୈତିକ ହିଂସା ଥମୁନି । ଏଠି ଏପର୍ଯ୍ୟନ୍ତ ପାଖାପାଖି ୧୦ ରାଜନୈତିକ କାର୍ଯ୍ୟକର୍ତ୍ତାଙ୍କ ହତ୍ୟା ହୋଇସାରିଛି । ଏପର୍ଯ୍ୟନ୍ତ ଯେତେ ବି ମାମଲା ଆସିଛି । । ସେଥିରେ ବିଜେପି ଓ ଟିଏମସିର କାର୍ଯ୍ୟକର୍ତ୍ତାଙ୍କ ମଧ୍ୟରେ ହିଂସା ହେବାର ଖବର ସାମିଲ ଅଛି । ଏହା ପ୍ରଥମ ମାମଲା, ଯେବେକି କଂଗ୍ରେସ ଓ କଂଗ୍ରେସ କାର୍ଯ୍ୟକର୍ତ୍ତାଙ୍କ ମଧ୍ୟରେ ହିଂସାର ଖବର ଆସିଛି ।