ଟଙ୍କା ନେଇ ପ୍ରଶ୍ନ ପଚାରିବା ମାମଲା : ଟିଏମସି ସାଂସଦ ମହୁଆ ମୋଇତ୍ରାଙ୍କ ପାଇଁ ବଢିଲା ଅଡୁଆ । ସଂସଦର ନୈତିକତା କମିଟି ପଠାଇଲା ନୋଟିସ
କନକ ବ୍ୟୁରୋ : ଟଙ୍କା ନେଇ ପ୍ରଶ୍ନ ପଚାରିବା ମାମଲାରେ ଟିଏମସି ସାଂସଦ ମହୁଆ ମୋଇତ୍ରାଙ୍କ ଅଡୁଆ ବଢିବାରେ ଲାଗିଛି । ଏନେଇ ବିଜେପି ସାଂସଦ ଅଭିଯୋଗ କରିବା ପରେ ଏବେ ଏହି ମାମଲାର ଯାଂଚ ପାଇଁ ସଂସଦର ଏଥିକ୍ସ ବା ନୈତିକତା କମିଟି ମହୁଆ ମୋଇତ୍ରାଙ୍କୁ ଅକ୍ଟୋବର ୩୧ ତାରିଖରେ ହାଜର ହେବାକୁ ନୋଟିସ କରିଛି । ଅକ୍ଟୋବର ୩୧ ତାରିଖ ୧୧ଟା ବେଳେ ହାଜର ହେବାକୁ ନୋଟିସରେ ଦର୍ଶାଯାଇଛି । ଏନେଇ ଅଭିଯୋଗ କରିଥିବା ବିଜେପି ସାଂସଦ ନିଶିକାନ୍ତ ଦୁବେ ମଧ୍ୟ ଏଥିକ୍ସ କମିଟିର ପ୍ରଶ୍ନରେ ଉତ୍ତର ରଖିଛନ୍ତି । ସେ କହିଛନ୍ତି କି ସଂପୃକ୍ତ ମାମଲା ଉପରେ ସେ ଭବିଷ୍ୟତରେ ସମ୍ପୂର୍ଣ୍ଣ ସହଯୋଗ କରିବେ ।
Kanak News is now on WhatsApp
Join and get latest news updates delivered to you via WhatsApp
ଏଥିକ୍ସ କମିଟିର ଚେୟାରମ୍ୟାନ ତଥା ବିଜେପି ସାଂସଦ ବିନୋଦ ସୋନକର କହିଛନ୍ତି କି ଏହି ମାମଲାରେ ନିଶିକାନ୍ତ ଦୁବେ ଓ ଓକିଲ ଜୟ ଅନନ୍ତ ଦେହାଦ୍ରେହଙ୍କୁ ସମନ ପଠାଯାଇଥିଲା । ଉଭୟ ଆଜି କମିଟି ନିକଟରେ ହାଜର ହୋଇ ନିଜର ମତ ରଖିଛନ୍ତି । ସେମାନଙ୍କ ବୟାନ ଆଧାରରେ ମହ୍ରୁଆ ମୋଇତ୍ରାଙ୍କୁ ଅକ୍ଟୋବର ୩୧ ତାରିଖରେ ହାଜର ହେବାକୁ ନୋଟିସ କରାଯାଇଥିବା କଥା ବିନୋଦ ସୋନକର କହିଛନ୍ତି । ଏହାସହ ବିବରଣୀ ଉପଲବ୍ଧ କରିବା ପାଇଁ କମିଟି ଆଇଟି ମନ୍ତ୍ରଣାଳୟ ଓ ଗୃହମନ୍ତ୍ରଣାଳୟକୁ ଏକ ଚିଠି ଲେଖାଯିବ ବୋଲି ସୋନକର କହିଛନ୍ତି ।