ପଶ୍ଚିମବଙ୍ଗରେ କଡା ମୁକାବିଲା । ପ୍ରାରମ୍ଭିକ ଟ୍ରେଣ୍ଡରେ କିଏ ଆଗରେ, କିଏ ପଛରେ?
କନକ ବ୍ୟୁରୋ : ପଶ୍ଚିମବଙ୍ଗରେ କିଏ ମାରିବ ବାଜି? ଇଭିଏମ ଖୋଲିଛି, ଭୋଟ ଗଣତି ଆରମ୍ଭ ହୋଇଛି । ଆଉ ଏହାସହ ଧୀରେ ଧୀରେ ଫଳାଫଳ ସାମ୍ନାକୁ ଆସୁଛି । ପ୍ରାଥମ୍ଭିକ ପର୍ଯ୍ୟାୟ ଭୋଟଗଣତିରେ ଟିଏମସି-ବିଜେପି ମଧ୍ୟରେ କଡା ମୁକାବିଲା ଦେଖିବାକୁ ମିଳିଛି । ରେସରେ କେତେବେଳେ ଟିଏମସି ଆଗଉଛି ତ ପୁଣି କେତେବେଳେ ବିଜେପି ଆଗକୁ ବଢୁଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଅନୁଯାୟୀ, ପ୍ରାରମ୍ଭିକ ପର୍ଯ୍ୟାୟ ଭୋଟ ଗଣତିରେ ଟିଏମସି ୮୨ ଆସନରେ ଆଗୁଆ ରହିଥିବା ବେଳେ ବିଜେପି ୮୦ ଆସନରେ ଆଗୁଆ ରହିଛି । ଯାହା ଦର୍ଶାଉଛି ପଶ୍ଚିମବଙ୍ଗରେ କ୍ଲୋଜ ଫାଇଟ ଦେଖିବାକୁ ମିଳିପାରେ । କାହା ହାତକୁ ଶାସନ କ୍ଷମତା ଯିବ ତାହାର ଆକଳନ ଲଗାଇବା ଏବେଠୁ କଷ୍ଟକର ହୋଇପଡିଛି । ତେବେ ଚଳିତ ନିର୍ବାଚନ ବିଜେପିକୁ ବଡ ଫାଇଦା ଆଣି ଦେଇଛି । ଆଶା ଅନୁଯାୟୀ ବିଜେପି ପ୍ରଦର୍ଶନ କରୁଥିବା ବେଳେ ମମତାଙ୍କ ଟିଏମସି କିଛି ଆସନ ହରାଇବା ଏକପ୍ରକାର ନିଶ୍ଚିତ ହୋଇଛି । ତେବେ ଏଗଜିଟ ପୋଲର ଆକଳନ ଅନୁଯାୟୀ ପଶ୍ଚିମବଙ୍ଗରେ ସରକାର କିଏ ଗଢିବ ତାହାକୁ ନେଇ ଏବେ ବି ସସପେନ୍ସ ଲାଗି ରହିଛି ।