କନକ ବ୍ୟୁରୋ: ପଶ୍ଚିମବଙ୍ଗରେ ଟିଏମସିକୁ ବଡ଼ ଝଟକା । ଟିଏମସି ହାତ ଛାଡ଼ିଲେ ୨ଜଣ ବିଧାୟକଙ୍କ, ୫୨ ଜଣ କାଉନସିଲର ଏବଂ ସିପିଏମର ଜଣେ ବିଧାୟକ ମଧ୍ୟ ଇସ୍ତଫା ଦେଇଛନ୍ତି । ଆଉ ଦଳର ହାତ ଛାଡ଼ିଥିବା ଏହି ନେତାମାନେ ଶେଷରେ ବିଜେପିରେ ମିଶିଛନ୍ତି । ଇସ୍ତଫା ଦେଇଥିବା ବିଧାୟକଙ୍କ ମଧ୍ୟରେ ରହିଛନ୍ତି ଟିଏମସି ବିଧାୟକ ବିଧାୟକ ଶୁଭ୍ରାଂଶୁ ରାୟ, ତୁଷାରାକାନ୍ତି ଭଟ୍ଟାଚାର୍ଯ୍ୟ । ଏବଂ ସିପିଏମ୍ ବିଧାୟକ ଦେବେନ୍ଦ୍ର ରୟ ।

Advertisment

ନିର୍ବାଚନ ଶେଷ ହୋଇଥିଲେ ମଧ୍ୟ ପଶ୍ଚିମ ବଙ୍ଗରେ ତୃଣମୂଳ କଂଗ୍ରେସ ଓ ବିଜେପି ମଧ୍ୟରେ ପ୍ରତିଦ୍ୱନ୍ଦିତା ଏବେ ମଧ୍ୟ ଅବ୍ୟାହତ ରହିଛି । ଦିଲ୍ଲୀସ୍ଥିତ ବିଜେପି ଅଫିସରେ ଅନୁଷ୍ଠିତ ଏକ ସମାରୋହରେ ସେମାନେ ବିଜେପିରେ ମିଶିଛନ୍ତି । ଏହା ପୂର୍ବରୁ ଟିଏମସି ଦଳ ବିରୋଧୀ କାମ ଲାଗି ଶୁଭ୍ରାଂଶୁ ରାୟଙ୍କୁ ୬ ବର୍ଷ ପାଇଁ ନିଳମ୍ବନ କରିଥିଲା ।

ସେପଟେ ଇସ୍ତଫା ଦେବା ପରେ ଶୁଭ୍ରାଶୁଂ କହିଛନ୍ତି ଯେ ଟିଏମସିରୁ ଆହୁରି ଅନେକ ବିଧାୟକ ଇସ୍ତଫା ଦେବାକୁ ବିଚାର କରୁଛନ୍ତି । ନିକଟରେ ସମାପ୍ତ ସାଧାରଣ ନିର୍ବାଚନରେ ପଶ୍ଚିମବଙ୍ଗରେ ବିଜେପି ୧୮ଟି ଓ ଟିଏମସି ୨୩ଟି ଆସନ ଜିତିଥିଲା । ଏବେ ଉଭୟ ଟିଏମସି ଏବଂ ସିପିଏମର ବିଜୟୀ ବିଧାୟକମାନେ ଦଳର ହାତ ଛାଡ଼ି ପ୍ରମୁଖ ବିରୋଧୀ ତଥା ବିଜେପି କ୍ୟାମ୍ପରେ ଯୋଗଦେବାରୁ ଟିଏମସି ଏବ ହରଡ଼ ଘଣାରେ ପଡ଼ିଛି ।